2018 جىلدىڭ 12 ناۋرىزىندا قازاقستان جازۋشىلار وداعىنىڭ ءتوراعاسى بولىپ ۇلىقبەك ەسداۋلەت سايلاندى. 13 ناۋرىزدا ول ءتوراعالىق قىزمەتىنە رەسمي كىرىستى، دەپ حابارلايدى Qamshy.kz اقپارات اگەنتتىگى.

اقىن جاناربەك ءاشىمجان جاڭا ءتوراعانىڭ قىزمەتىنە كىرىسكەن ساتىنەن فوتو سۋرەتتەر جاريالادى.

ۇلىقبەك ەسداۋلەتتىڭ ورىنباسارى بولىپ باقىت بەدەلحان، اقبەرەن ەلگەزەك، مەرەكە قۇلكەنوۆ پەن باۋىرجان جاقىپ تاعايىندالدى.

ءتوراعا بولىپ سايلانعان ۇلىقبەك ەسداۋلەت جۋرناليستەرگە بەرگەن سۇحباتىندا ەڭ بىرىنشىدەن وداقتى باتىپ وتىرعان شىعىنداردان قۇتقارۋ ماسەلەسىن كوتەرەتىنىن ايتتى.

«التى اي بويى جازۋشىلار وداعىنىڭ قىزمەتكەرلەرى ايلىق دەگەندى كورگەن جوقپىز. سالىق پەن جالاقىنى تولەي الماي وتىرعان جازۋشىلار وداعىنا مەنى ءتوراعا ەتىپ سايلاپ، ۇلكەن جاۋاپكەرشىلىك جۇكتەپ قويدى. بۇعان قاتتى قۋانارلىقتاي جاعدايىم جوق. مەن يىعىما ءتۇسىپ تۇرعان اۋىر جۇكتى سەزىپ تۇرمىن. ەندىگى ماقسات -  جازۋشىلار وداعىنىڭ جاعدايىن تۇزەتۋ. جازۋشىلاردىڭ جاعدايىن جاساۋ سەكىلدى ماسەلە سونىمەن قوسا جۇرەدى»، - دەگەن ەدى جاڭا ءتوراعا.