استانادا №61 مەكتەپتەن ءورت شىعىپ، ەكى مىڭداي ادام ەۆاكۋاسيالاندى. بۇل تۋرالى قازاقستاننىڭ توتەنشە جاعدايلار جونىندەگى كوميتەتى حابارلادى.
كوميتەتتىڭ حابارلاۋىنشا، ءورت سوندىرۋشىلەر كەلگەنشە مەكتەپ اكىمشىلىگى ەكى مىڭداي ادامدى عيماراتتان شىعارعان، دەنى — بالالار.
ءورت تۋرالى حابار سەنبى كۇنى ساعات 13:56 كەزىندە تۇسكەن. انىقتالعانداي، كونستيتۋسيا كوشەسىندە ورنالاسقان №61 مەكتەپتىڭ ءبىرىنشى قاباتىندا 10 شارشى مەتر جەردە جيھاز ورتەنگەن.
ءورت 14:11-دە ءسوندىرىلدى.
وقيعا ورنىنا دارىگەرلەر دە كەلىپ جەتتى، زارداپ شەككەندەر تۋرالى ەشقانداي اقپارات تۇسكەن جوق.
ءورت سوندىرىلگەن سوڭ ءبىر ساعاتتان كەيىن بالالار مەكتەپكە ورالعان.
