رەسەيدىڭ بىرنەشە قالاسىندا الەكسەي ناۆالنىيدىڭ جاقتاۋشىلارى «ول بىزگە پاتشا ەمەس» دەگەن جازۋى بار پلاكات ۇستاپ، كوشەگە شىقتى.
شارا رەسەي پرەزيدەنتى ۆلاديمير ءپۋتيندى ۇلىقتاۋ راسىمىنە قارسى ءوتىپ جاتىر. ءراسىم 7 مامىردا ءوتۋى ءتيىس.
جەرگىلىكتى دەرەكتەرگە سايكەس، شەرۋ ماسكەۋ، پەتەربۋرگ، ۆلاديۆوستوك، حاباروۆسك، وڭتۇستىك ساحالينسك جانە يركۋتسك قالالارىندا باستالدى.
تۇتقىندالعانداردىڭ بار-جوعى جايلى اقپارات ازىرگە بەلگىسىز.
رەسەيلىك ساياساتكەر ناۆالنىيدىڭ پىكىرىنشە، 18 ناۋرىزدا وتكەن پرەزيدەنت سايلاۋى ۆلاديمير ءپۋتيننىڭ وكىلەتتىلىگىن «پاتشالىق دەڭگەيگە» كوتەرگەن، سول سەبەپتى ول مەملەكەتتى ءوزىنىڭ «جەكە مەنشىگىندەي» كورەدى.
ال «ول بىزگە پاتشا ەمەس» اكسياسى ەلدەگى جەمقورلىق، تەڭسىزدىك پەن كەدەيلىكتى جويۋعا باعىتتالعان ەكەن.
