رەسەيدىڭ بىرنەشە قالاسىندا وپپوزيسيونەر الەكسەي ناۆالنىيدىڭ باستاماسىمەن "ول بىزگە پاتشا ەمەس" ("ون نام نە سار") قارسىلىق شارالارى ءوتىپ جاتىر، دەپ حابارلايدى Qamshy.kz اقپارات اگەنتتىگى. 

ماسكەۋ ورتالىعىنداعى شەرۋگە بارعان الەكسەي ناۆالنىيدى پوليسيا ۇستاپ اكەتتى. "ناۆالنىي پۋشكين الاڭىنا كەلگەن بەتتە تۇتقىندالدى"، — دەيدى وپپوزيسيونەر لەونيد ۆولكوۆ.

ماسكەۋ بيلىگى نارازىلىق اكسياسىن وتكىزۋگە كەلىسىم بەرمەگەن، پروكۋراتۋرا وپپوزيسيونەر الەكسەي ناۆالنىيعا زاڭسىز شەرۋ وتكىزۋدىڭ سالدارى قيىن بولۋى مۇمكىن ەكەنىن ەسكەرتكەن.

ورىس باق-تارى تاراتقان اقپاراتقا سۇيەنسەك، شەرۋ حاباروۆسك، ۆلاديۆوستوك، يۋجنو-ساحالينسك، يركۋتسك جانە كومسومولسك-نا-امۋرە قالالارىندا دا بولعان.

"ول بىزگە پاتشا ەمەس" اكسياسى ۆلاديمير ءپۋتيننىڭ 7 مامىرعا بەلگىلەنگەن ۇلىقتاۋ راسىمىنە قارسى ۇيىمداستىرىلدى. بۇعان دەيىن رەسەيدىڭ سانكت-پەتەربۋرگ، تامبوۆ، چەبوكسارى جانە وزگە قالالارىندا ناۆالنىيدىڭ جاقتاستارىن پوليسيا تۇتقىنداعان.