دۇنيەجۇزىلىك جوعارعى وقۋ ورىندار رەيتينگى ورتالىعىنىڭ بەرگەن مالىمەتى بويىنشا، ۋنيۆەرسيتەتتەر تىزىمىندە الدىڭعى ۇشتىكتە اقش-تاعى گارۆارد، ستەنفارد جانە ماساچۋسەتس تەحنولوگيالىق ۋنيۆەرستەتى كوش باستاپ تۇر.

رەيتينگ ورتالىعى (CWUR) 2018-2019 وقۋ جىلىنا دەيىن ستۋدەنتتەردىڭ ءبىلىم ساپاسىن، وقىتۋ ساپاسىن، سونداي-اق وقىتۋشىلاردىڭ بەدەلىن جانە ولاردىڭ عىلىمي جۇمىستارىنىڭ ماڭىزىن سارالايتىن، الايدا ۋنيۆەرسيتەتتىڭ تاريحىنا سۇيەنبەيتىن جاھاندىق رەيتينگ جاريالادى.

ەڭ ۇزدىك 1000 ۋنيۆەرسيتەتتىڭ تىزىمىندە قازاقستاننان بىردە ءبىر وقۋ ورنى جوق. رەيتينگكە رەسەيدەن ءۇش وقۋ ورنى ەنگەن. ولار: ممۋ (126 ورىن)، سپمۋ (541 ورىن)، مفتي (556 ورىن)، نمۋ (695 ورىن)، ميفي(733 ورىن). 

مىڭ جوو-نىڭ قاتارىنا اقش-تان 213 ، قىتايدان 130، ۇلبىريتانيادان 63، فرانسيادان 62، جاپونيادان 56، گەرمانيادان 54، وڭتۇستىك كورەيادان 36 وقۋ ورنى قوسىلسا، پاكىستاننىڭ وزىنەن ءۇش وقۋ ورنى تىزىمگە ەنگەن.