ق ر دەنساۋلىق ساقتاۋ مينيسترلىگىنىڭ قوعامدىق دەنساۋلىق ساقتاۋ كوميتەتىنىڭ ءتوراعاسى جانداربەك بەكشين سەنات سپيكەرى قاسىم-جومارت توقايەۆتىڭ مەنينگيتكە بايلانىستى ايتقان پىكىرىنە جاۋاپ بەردى. بۇل جايىندا Qamshy.kz اقپارات اگەنتتىگى Tengrinews مالىمەتىنە سۇيەنىپ جازادى.

پارلامەنت سەناتىنىڭ ءتوراعاسى قاسىم-جومارت توقايەۆ ەلدەگى ءورشىپ تۇرعان مەنينگيت دەرتى تۋرالى پىكىر بىلدىرگەن بولاتىن.

— اۋرۋدى  توقتاتۋ ءۇشىن بارلىق قاجەتتى تالاپتار ورىندالعانىن ەستىدىڭىز. بىزبەن ارنايى ماماندار جۇمىس ىستەپ جاتىر. ولار ءبىزدىڭ جۇمىستى ءۇش كەزەڭ بويىنشا تولىق اتقارىپ جاتقانىمىزعا باعا بەرەدى.  ءبىرىنشى كەزەڭ – ناۋقاستاردىڭ تۇرعان جەرىن انىقتاپ،  ولارمەن تىعىز بايلانىستا بولعان تۇلعالاردىڭ قاتارىن انىقتاۋ جانە ول ادامداردى  انتيبيوتيكالىق پروفيلاكتيكامەن ەمدەپ،  دارىگەرلەردىڭ قاداعالاۋىندا ۇستاۋ.  ەكىنشىسى – دياگنوستيكا. ءۇشىنشىسى —   ەمدەۋ. وسى ءۇش نەگىزگى كەزەڭ بويىنشا جۇمىستى  ءبىز تولىق ورىندادىق. ءبىزدىڭ  حالىقپەن ۇنەمى كەزدەسىپ وتىراتىنىمىزدى بىلەسىزدەر، - دەدى بريفينگ بارىسىندا جانداربەك بەكشين.

ايتا كەتەيىك، كەشە مەنينگيتتەن تالدىقورعاندا 17 جاستاعى ستۋدەنت قايتىس بولدى.