الماتىدا جاس ءسابي مەنينگيت ينفەكسياسىن جۇقتىردى دەگەن كۇدىكپەن اۋىر جاعدايدا اۋرۋحاناعا ءتۇستى، دەپ حابارلايى Qamshy.kz اقپارات اگەنتتىگى. 

بۇل تۋرالى دەنساۋلىق ساقتاۋ ءمينيسترلى ەلجان ءبىرتانوۆ مالىمدەدى. 

"كەشە مەنينگيت ينفەكسياسىن جۇقتىردى دەگەن كۇدىكپەن ەكى ادام اۋرۋحاناعا ءتۇستى. جالپى، بارلىق ناۋقاستاردىڭ جاعدايى ءوزىمنىڭ باقىلاۋىمدا. ولاردىڭ ومىرىنە ءقاۋىپ ءتونىپ تۇرعان جوق. كەشە الماتىدا كىشكەنتاي ءسابي اۋىر جاعدايدا اۋرۋحاناعا ءتۇستى. قازىرگى ۋاقىتتا جاعدايى تۇراقتى. ازىرگە دياگنوزى ناقتىلانعان جوق"، – دەيدى ءبىرتانوۆ.

ءمينيستردىڭ سوزىنشە، قازاقستاندا مەنينگيت بويىنشا احۋال تۇراقتى.

"مەنينگيت جۇقتىردى دەگەن دياگنوز 60 ادامعا قويىلدى. اۋرۋدىڭ جاڭا دەرەكتەرى تىركەلگەن جوق، سوندىقتان ماسەلە باقىلاۋدا. قازىرگى تاڭدا اۋرۋحانادا مەنينگوكوكك ينفەكسياسىن جۇقتىرعان 11 ادام ەمدەلىپ جاتىر"، – دەيدى ءبىرتانوۆ.