داريعا نازاربايەۆانىڭ قىزى ۆەنەرا الييەۆا شايجۇنىسوۆتەر اۋلەتىنىڭ ۇرپاعى، 22 جاستاعى دالەنگە تۇرمىسقا شىقتى. الماتىداعى Ritz Carlton ءقوناقۇيىنىڭ سالتانات زالىندا دۇركىرەپ وتكەن تويدا وتاندىق ونەرپازدارمەن بىرگە رەسەي انشىلەرى دە قوناق بولدى. ەلباسىمەن قۇدا بولعان بۇل قاي شايجۇنىسوۆتەر؟ Qamshy.kz اقپارات اگەنتتىگى اشىق دەرەككوزدەن جينالعان مالىمەتتى ۇسىنادى.

1914 جىلى سەمەي وڭىرىندە دۇنيەگە كەلىپ، 1983 جىلى قايتىس بولعان جاقيا ءشايجۇنىسوۆ – قازاقستاننىڭ ەڭبەك سىڭىرگەن ءمۇعالىمى، ۇستاز. الەۋمەتتىك ەڭبەك ەرى، لەنين، «قۇرمەت بەلگىسى» وردەندەرىمەن ماراپاتتالعان. شقو كوكپەكتى اۋدانىندا جاقيا ءشايجۇسىنوۆ اتىنداعى مەكتەپ بار. بيىل وسكەمەن بەلسەندىلەرى: «قالاداعى ۆوروشيلوۆ كوشەسىنە جاقيا ءشايجۇنىسوۆتىڭ ەسىمى بەرىلسىن»، - دەگەن باستاما كوتەردى.

ال ونىڭ ۇلى 1939 جىلى تۋعان ماركەن ءشايجۇنىسوۆ 1998 جىلدىڭ قازانى مەن 2000 جىلدىڭ ناۋرىزى ارالىعىندا سەمەي قالاسىن باسقاردى. سىرتقى ىستەر مينيسترلىگىندە جاۋاپتى حاتشى قىزمەتىن اتقاراتىن ەرمەك كوشەربايەۆ پەن پاۆلودار قالاسىنداعى حالىق بانكتىڭ فيليالىن باسقاراتىن بولات رامازانوۆ – ماركەن ءشايجۇنىسوۆتىڭ كۇيەۋ بالالارى.

جاقيا ءشايجۇنىسوۆتىڭ تاعى ءبىر ۇلى توقان ءشايجۇنىسوۆ «كازگيپروسۆەتمەت» ءجشس-نىڭ پرەزيدەنتى، قازاقستان رەسپۋبليكاسىنىڭ ەڭبەگى سىڭگەن قۇرىلىسشىسى. كوپتەگەن جىل بويى ك.رايەۆ اتىنداعى بالالار ءۇيى مەن ج.ءشايجۇنىسوۆ اتىنداعى ورتا مەكتەپكە ماتەريالدىق كومەك كورسەتىپ كەلەدى. وسكەمەن قالاسىنىڭ، كوكپەكتى اۋدانىنىڭ «قۇرمەتتى ازاماتى». «قۇرمەت» وردەنىمەن، ەل پرەزيدەنتى ن.ءا.نازاربايەۆتىڭ العىسحاتىمەن، «ەڭبەك ۇزدىگى ءۇشىن» مەدالىمەن ماراپاتتالدى، ال قايىرىمدىلىق قىزمەتى ءۇشىن ءۇش مارتە «جىل ادامى» اتاعىنا يە بولدى. اشىق دەرەككوزدەرگە سۇيەنسەك، وسى ۋاقىتقا دەيىن توقان جاقيا ۇلى مەكتەپكە 1500000 تەڭگەنىڭ كولەمىندە قارجىلاي كومەك كورسەتكەن. جىل سايىن مەكتەپتى سپورتتىق جابدىقتارمەن قامتاماسىز ەتىپ دەمەۋشىلىك جاساپ وتىرادى. 

توقان ءشايجۇنىسوۆتىڭ ۇلى 1971 جىلعى سەرگەي ءشايجۇنىسوۆ – «كازترۋبپروم» اق جانە «كازپەتروماشكوممەرس» جشس-نىڭ باس ديرەكتورى.

جەلىدە تاراعان دەرەكتەرگە سەنسەك، داريعا نازاربايەۆانىڭ كۇيەۋ بالاسى دالەن – سەرگەي ءشايجۇنىسوۆتىڭ ۇلى. دالەن ءال-فارابي اتىنداعى قازاق ۇلتتىڭ ۋنيۆەرسيتەتىنىڭ زاڭ فاكۋلتەتىن ءتامامداعان.

قازاقستاندىقتارعا بەلگىلى جاقيا ءشايجۇنىسوۆتىڭ تاعى ءبىر بالاسى 1957 جىلعى سەرجان جاقيا ۇلى «قازاقكابەل» جشس-نىڭ باس ديرەكتورى بولدى. سونىمەن قاتار شىعىس قازاقستانداعى قورشاعان ورتانى قورعاۋ باسقارماسىن باسقارعان.

ال سەرجان جاقيا ۇلىنىڭ ۇلى الەن ءشايجۇنىسوۆ – ۆەلوسپورت فەدەراسياسىنىڭ ۆيسە-پرەزيدەنتى، ق ر سپورت جانە دەنە شىنىقتىرۋ اگەنتتىگى ءتوراعاسىنىڭ ورىنباسارى، «استانا ەكسپو-2017» ۇك باسقارما ءتوراعاسىنىڭ ورىنباسارى.