قىتايدىڭ چجەسزيان پروۆينسياسىنىڭ چجان ەسىمدى تۇرعىنى سۇيىكتىسىنە ۇيلەنۋگە ەرەكشە ۇسىنىس جاساماق بولعان. ونىڭ ورنىنا جاس جىگىت قوناق ءۇيدىڭ 10 بولمەسىن ورتەپ جىبەردى. بۇل جايىندا Shanghai.ist پورتالى جازادى.
چجان ۇسىنىستى سۇيىكتىسىمەن تانىسقانىنا ءبىر جىل تولۋىمەن جوسپارلاعان. قوناق ۇيدە بولمە جالداپ، مايشامداردان جۇرەك فورماسىن جاساپ قويعان. قىزىن كۇتىپ الۋعا شىقپاس بۇرىن شىراقتارى جاعىپ كەتكەن. قىزىن كۇتىپ العان كەزدە ءقوناقۇيدىڭ ءىشىن ءورت الىپ كەتكەن.
ءتۇتىننىڭ سالدارىنان قوناق ۇيدەگى قوناقتاردىڭ بىرنەشەۋى بەسىنشى قاباتتا قامالىپ قالعان. قۇتقارۋشىلار ولاردى قۇتقارۋ ءۇشىن ارنايى اۆتوباسپالداقتاردى پايدالانعان. ورتتەن قوناق ءۇيدىڭ ون بولمەسى زارداپ شەكتى. ادام شىعىنى بولماعان.
ال سۇيىكىتىسىنە توسىن سىي جاساماق بولعان جىگىت بارلىق شىعىندى وتەيتىن بولدى. شىعىن كولەمى – 250 مىڭ يۋان.
پىكىر قالدىرۋ