الماتى قالالىق ىشكى ىستەر دەپارتامەنتى 16 شىلدە كۇنى ساعات 09.10-دا شىعىس اينالىم جولداعى جول اپاتىن كورگەن كۋاگەرلەردى ىزدەپ جاتىر، دەپ حابارلايدى Qamshy.kz اقپارات اگەنتتىگى الماتى قالالىق ىشكى ىستەر دەپارتامەنتىنىڭ باسپا ءسوز قىزمەتىنە سىلتەمە جاساپ.

جول اپاتى ناتيجەسىندە 5 جاسار بالا اۋىر جاراقات الىپ جان ساقتاۋ بولىمىندە جاتىر. قاققان ادام بالانى اعاشتىڭ تۇبىنە تاستاپ كەتكەن.

«الماتى قالالىق ىشكى ىستەر دەپارتامەنتى 16 شىلدە 2018 جىلى الماتى قالاسىندا بولعان جول اپاتى كۋاگەرلەرىن ىزدەيدى. جول اپاتى ناتيجەسىندە 2014 جىلعى بالا اۋىر جاراقات الدى. اتالمىش جاعدايدىڭ كۋاسى بولعاندار دەرەۋ +7 701 888 4882، 254-40-09، 254-40-42 جانە 102 نومەرلەرىنە حابارلاسۋلارىڭىزدى سۇرايمىز» دەلىنگەن حابارلامادا.

دارىگەرلەردىڭ ايتۋىنشا، دىنمۇحاممەدتىڭ جاعدايى اۋىر. كەشە ءۇشىنشى دەڭگەيلى كومادا بولسا، ءقازىر ەكىنشى دەڭگەيلى كومادا. بالانىڭ باس سۇيەگىنىڭ جارتى بولىگى ىشكە قاراي كىرىپ كەتكەن.

بۇعان دەيىن دەپۋتات قايرات قۇدايبەرگەن 5 جاسار دىنمۇحاممەدتىڭ جاعدايىن ءبىلۋ ءۇشىن اۋرۋحاناعا بارعانىن جازعان. ونىڭ ايتۋىنشا، دىنمۇحاممەدتىڭ ميى ىسە باستاعان.