اعىمداعى جىلدىڭ ءى-جارتىجىلدىعىندا كاپيتالعا سالىنعان ينۆەستيسيالار كولەمى 851 ملن اقش دوللارىن قۇرادى.
بۇل تۋرالى الماتى قالاسى وڭىرلىك كوممۋنيكاسيالار قىزمەتىنىڭ الاڭىندا وتكەن بريفينگتە «KAZAKH INVEST» ۇلتتىق كومپانياسى اق-نىڭ الماتى قالاسى بويىنشا فيليالىنىڭ ديرەكتورى ورازالييەۆ جاندوس باقبەرگەن ۇلى ايتتى.
ونىڭ ايتۋىنشا، الماتى – قازاقستاننىڭ ءىرى قالاسى قالاسى جانە ەكونوميكالىق ورتالىعى، ينۆەستيسيالىق تارتىمدى قالالاردىڭ كوش باسشىسى. 2018 جىلدىڭ قاڭتار-ماۋسىم ايلارىندا رەسپۋبليكالىق دەڭگەيدە (20.3%)، بۇل باسقا ايماقتارمەن سالىستىرعاندا ەڭ جوعارعى كورسەتكىش، كوتەرمە ساۋدانىڭ جارتىسىن (48%)، بولشەكتەپ ساتۋدىڭ تورتتەن ءبىر بولىگىنەن جوعارعىسىن (30%) قامتاماسىز ەتتى.
قازاقستان الەمدىك بانكتىڭ Doing Business رەيتينگىسى بويىنشا 36-شى ورىندى يەلەنىپ تۇر. بۇل رەتتە، اتالمىش رەيتينگتى شىعاراردا الماتى قالاسىنىڭ كورسەتكىشتەرى ەسەپكە الىنعانىن ايتا كەتۋ قاجەت.
ۇستىمىزدەگى جىلدىڭ قاڭتار مەن ماۋسىم ارالىعىندا نەگىزگى كاپيتالعا سالىنعان ينۆەستيسيالار كولەمى 851 ملن. اقش دولل. قۇرادى، بۇل وتكەن جىلدىڭ قاڭتار-ماۋسىم ارالىعىنداعى كورسەتكىشتەرگە قاراعاندا 22،7% ءوسىم كورسەتتى.
اتاپ وتكەنىمدەي، KAZAKH INVEST باستى فۋنكسيالارىنىڭ ءبىرى ينۆەستيسيالىق جوبالاردى قولداۋ بولىپ تابىلادى، نەگىزىنەن شەتەل كاپيتالى بار جوبالار. وسى باعىتتا KAZAKH INVEST الماتى قالاسىنداعى وكىلدىگىمەن شەتەل كاپيتالى بار، ينۆەستيسيالار كولەمى 414،8 ملن. اقش دولل. قۇرايتىن 11 ينۆەستيسيالىق جوباعا قولداۋ جۋمىستارى اتقارىلىپ جاتىر. اتالمىش جوبالاردىڭ ءساتتى جۇزەگە اسۋى قالامىزدا 3 000 جوعارى جۇمىس ورىندارىنىڭ اشىلۋىن قامتاماسىز ەتەدى. بۇل جوبالار نەگىزىنەن وڭدەۋ ونەركاسىبى مەن ساۋدا سالالارىندا. ۇستىمىزدەگى جىلى جوسپار بويىنشا ينۆەستيسيالار كولەمى 252 ملن. اقش دولل. قۇرايتىن 7 جوبانى ىسكە قوسۋ كوزدەلۋدە. مىسالى، قىتايلىق ءىرى كومپانيا CNPCء-دىڭ ۇلكەن ديامەترلى دانەكەرلەنگەن ترۋبالاردى وڭدەيتىن Asia Steel Pipe Corporation زاۋىتىن، رەسەيدىڭ ەسترالين كومپانياسىنىڭ كابەلدىك وتكىزگىشتەر وڭدەيتىن KMK Investment زاۋىتىن، نەمىس كاپيتالى بار ەلەكترلى اۆتوبۋستاردى قۇراستىرۋ زاۋىتىن ىسكە قوسۋ جوسپارلانۋدا. قازىگى تاڭدا جاپوندىق Tokyo Rope كومپانياسىنىڭ سومماسى 10 ملن. اقش دولل. قۇرايتىن ينجەنەرلىك جۇيەلەردى قورعايتىن ءونىم شىعاراتىن ونەركاسىبى ىسكە قوسىلىپ، سومماسى 32 ملن. اقش دولل. قۇرايتىن فرانسۋز برەندى لەرۋا مەرلەن قۇرىلىس ماتەريالدار گيپەرماركەتى اشىلدى. ەگەر اتالمىش ونەركاسىپ جاپوندىق Tokyo Rope كومپانياسىنىڭ 2ء-شى جوباسى بولسا، فرانسۋزدىق برەند لەرۋا مەرلەن دە قوسىمشا تاعى 2 جوبانى جۇزەگە اسىرۋعا نيەت ءبىلدىردى. جوبالار پىسىقتالۋدا.
سونداي-اق، سومماسى 73 ملن. اقش دولل. قۇرايتىن 5 جوبا بايىنشا جۇمىستار اتقارىلۋدا. بۇل جوبالار: فرانسۋزدىق برەند Decathlon سپورتتىق تاۋارلار گيپەرماركەتى، جوعارى تەحنولوگيالىق كىر جۋۋ Cotton Way كومبيناتى، جاڭا نوبەل افف فارماسيەۆتيكالىق ونەركاسىبى، مۇناي سورتامەنتىنىڭ قۇبىرلىق ونىمدەرىن شىعاراتىن Asia Steel Pipe Corporation كومپانياسىنىڭ 2ء-شى زاۋىتى-دەپ ءسوزىن اياقتادى ج.ورازالييەۆ.
