اعىلشىن عالىمدارى وتكەن اپتانىڭ سوڭىندا نازار اۋدارارلىق دەرەكتەردى جاريا ەتتى. ولاردىڭ زەرتتەۋىنە قاراعاندا، جاستاردىڭ كوپشىلىگى جازدا، ياعني، ماۋسىم-تامىز ايلارىندا، ال قارتتار قىس  ايلارىندا ومىردەن وتەدى ەكەن. مۇنىڭ سەبەبى نەدە؟ 

زەرتتەۋ بارىسى كورسەتكەندەي، جاستاردىڭ كوبىسى جول-كولىك وقيعاسى، سونداي –اق ءارتۇرلى جاراقاتتاردان قايتىس بولاتىن كورىنەدى. ال قارتتاردىڭ باقيلىق بولۋىنىڭ سەبەبى نەدە؟ مۇنىڭ سەبەبىن عالىمدار قارت كىسىلەردىڭ قىس ايلارىندا تۇراقتى تۇردە قوزاتىن سىرقاتىنىڭ اسقىنۋىنان كورەدى. ماماندار 1980-2016 جىلدارى قايتىس بولعان  100 مىڭنان اسا ادامنىڭ قايتىس بولۋ سەبەپتەرىن  زەرتتەپ كورگەن. ءمالىم بولعانىنداي، 45 جاستان اسقان ادامدار نەگىزىنەن جەلتوقسان، قاڭتار جانە اقپان ايلارىندا قايتىس بولعان. ال بۇل كورسەتكىش اسىرەسە، جاز ايلارىندا كۇرت ازاياتىن كورىنەدى. ال كەرىسىنشە، 5 پەن 34 جاستاعىلاردىڭ باقيلىق بولۋى  شىلدە مەن تامىز ايلارىندا كۇرت كوبەيەدى ەكەن. جاستاي كەتكەندەر نەگىزىنەن ايەل، مەيلى ەركەك بولسىن، ولار ءارتۇرلى جاراقات پەن توسىن اپات پەن ءتۇرلى وقىس وقيعالار مەن جۇرەك اۋرۋىنان قازا تابادى. دەنساۋلىققا نازار اۋدارماي ءجۇرۋدىڭ دە سالدارى وسىنداي وكىنىشتى جاعدايلارعا اكەپ سوعادى ەكەن.

سوندىقتان دا ماماندار جىلدىڭ قاي مەزگىلى بولسىن، قاشاندا ساقتانىپ ءجۇرۋدى ەسكەرتەدى.