مەملەكەت باسشىسى قازاقستاننىڭ حالىق جازۋشىسى، مەملەكەتتىك سىيلىقتىڭ لاۋرەاتى ءابدىجامىل نۇرپەيىسوۆتى قابىلدادى، دەپ حابارلايدى Qamshy.kz اقپارات اگەنتتىگى اقوردانىڭ باسپا ءسوز قىزمەتىنە سىلتەمە جاساپ. 

كەزدەسۋدە نۇرسۇلتان نازاربايەۆ پەن ءابدىجامىل نۇرپەيىسوۆ مادەنيەت سالاسىنىڭ قازىرگى جاعدايى جونىندە پىكىر الماسىپ، وتاندىق ادەبيەتتى ودان ءارى دامىتۋدىڭ پەرسپەكتيۆالارىن تالقىلادى.

ءابدىجامىل نۇرپەيىسوۆ -  قازاقستاننىڭ حالىق جازۋشىسى، XX عاسىردا قازاق ادەبيەتىنە زور ۇلەس قوسقان سۋرەتكەرلەردىڭ ءبىرى، قوعام قايراتكەرى. 

♦90-نان اسقان ءابدىجامىل اقساقال شەرحان مۇرتازامەن تىك تۇرىپ قوشتاستى (فوتو، ۆيدەو)

ادەبيەتكە 1947 جىلدان ارالاسا باستادى. تۇڭعىش شىعارماسى – ۇلى وتان سوعىسى تاقىرىبىنا ارنالعان «كۋرليانديا» رومانى 1950 جىلى جارىق كوردى. بۇل شىعارماسى ءۇشىن جازۋشىعا جامبىل اتىنداعى رەسپۋبليكالىق سىيلىق بەرىلدى. «كۋرليانديا» رومانىن كەيىننەن وڭدەپ، تولىقتىرىپ، 1958 جىلى «كۇتكەن كۇن» دەگەن اتپەن قايتا جاريالادى. «قان مەن تەر» تريلوگياسى (1-كىتاپ – «ىمىرت»، 1961؛ 2-كىتاپ – «سەرگەلدەڭ»، 1964؛ 3-كىتاپ – «كۇيرەۋ»، 1970) جانە «سەڭ» (1983)، «سوڭعى پارىز» (1999) روماندارى دۇنيە ءجۇزى حالىقتارىنىڭ كوپتەگەن تىلدەرىنە اۋدارىلعان.