حابيب نۇرماعامەدوۆ جەكپە-جەك كەزىندە نە سەبەپتى رەسەيدىڭ تۋىن الىپ شىقپايتىنىن ءتۇسىندىردى دەپ جازادى Qamshy.kz اقپارات اگەنتتىگى. بۇل تۋرالى ول سامارا قالاسىنداعى سۇحباتىنىڭ بىرىندە ايتتى. 

♦حابيب نۇرماعامەدوۆ قاتتى قورقاتىن اكەسى جايلى نە بىلەمىز؟

"ءقازىر مەنى تەك رەسەي عانا ەمەس شەتەلدىكتەر دا تانىپ، ءبىلىپ جاتىر. بۇرىن مەن تەك رەسەيدە عانا ءوزىمدى تانىمال ادام رەتىندە سەزىنەتىنمىن. ال ءقازىر بۇكىل الەم مەنى ۇناتسىن، ۇناتپاسىن تانىپ جاتىر. كوپتەگەن ادامدار مەنىڭ بولەكتەنەتىنىمدى، جەكپە-جەك كەزىندە رەسەيدىڭ تۋىن الىپ شىقپايتىنىمدى ايتىپ، ايىپتايدى. الايدا مەن جەكپە-جەككە شىققان سايىن رەسەيدىڭ تۋى بۇكىل ەكراننان كورسەتىلەدى. مەنى امەريكالىقتاردىڭ ءبارى دەرلىك "ورىس" دەپ ايتادى. سەبەبى ولار داعىستان، شەشەنستان تۋرالى بەيحابار. ءتىپتى شەتەلدىك سپورتشىلاردىڭ ءوزى مەنى ورىس دەپ ويلايدى. نەگە دەسەڭىز، ولار داعىستان، شەشەنستان، رەسەي ءبىرتۇتاس ەل دەپ سانايدى. ءيا ءبىز شەتەلدىكتەر ءۇشىن ءبىر ۇلتپىز، ءبىر ەلمىز. ولاردىڭ ويلارى سونداي. ال بولەكتەنىپ، شەتتەتۋگە تىرىساتىندار ول ءوزىمىزدىڭ ادامدار، ياعني ءوزىمىزدى ءوزىمىز شەتتەتىپ، ءوزىمىزدى ءوزىمىز بولەكتەيمىز. ويتكەنى ءبىزدى ەشكىم بولەك ەل دەپ ەسەپتەمەيدى. مەن دە ءوزىمدى بولەكتەنبەيمىن. سوندىقتان مۇنداي قيتۇرقى سۇراقتارماعان ۇنامايدى. "، دەيدى UFC چەمپيونى. 

♦حابيب نۇرماعامەدوۆ: ۇلىمنىڭ مەنىڭ جولىمدى قايتالاعانىن قالامايمىن