ادامدارعا ءاردايىم وزگەلەردىڭ قانشا جالاقى الاتىنى قىزىق بولىپ كورىنەتىنى جاسىرىن ەمەس. ال ءسىز الەمدەگى مەملەكەت باسشىلارىنىڭ ايلىعى قانشا ەكەنىن بىلەسىز بە؟ نازارلارىڭىزعا 1 دوللاردان باستاپ 2 ميلليون دوللارعا دەيىن جالاقى الاتىن پرەزيدەنتتەردىڭ ءتىزىمىن ۇسىنامىز.

• دونالد ترامپ – امەريكا قۇراما شتاتتارىنىڭ پرەزيدەنتى.

جىلىنا – $1 دوللار جالاقى الادى. ول پرەزيدەنتتىك سايلاۋ كەزىندە-اق، مەملەكەت باسشىسىنا تاعايىندالاتىن 400 مىڭ دوللار، ياعني، $33 مىڭ  ايىنا نەمەسە كۇنىنە $1095  كولەمىندەگى جالاقىدان باس تارتاتىنىن ايتقان. اق ءۇي وكىلى سارا ساندەرس دونالد ترامپ ءوزىنىڭ 2018 جىلدىڭ ءى جارتىجىلدىعىنا ارنالعان پرەزيدەنتتىك جالاقىسىن تولىعىمەن مەديسينالىق باعدارلامالاردى جۇزەگە اسىرۋ ءۇشىن اقش ارداگەرلەر كەڭەسىنە بولگەنىن حابارلاعان بولاتىن.

• پەتر پوروشەنكو – ۋكراينا پرەزيدەنتى.

جىلىنا - $12 220 دوللار جالاقى الادى. بۇل ايىنا $ 1 018 دوللار نەمەسە كۇنىنە $33 دوللار. ونىڭ جالپى بايلىعى - $1،3 ميلليارد دوللاردى قۇرايدى ەكەن. وسىلايشا، پەتر پوروشەنكو ۋكرايناداعى ەڭ باي ادامداردىڭ رەيتينگىسىندە 6-ورىندا تۇر. 2017 جىلى ونىڭ بارلىق پرەزيدەنتتىك جالاقىسى تولىعىمەن قايىرىمدىلىققا جۇمسالعان دەگەن دەرەكتەر دە بار.

• سي سزينپين – جۇڭگو حالىق رەسپۋبليكاسىنىڭ پرەزيدەنتى.

جۇڭگو باسشىسى جىلىنا $20 593 دوللار الادى. قازىرگى ۋاقىتتا الاتىن ايىنا $1716 نەمەسە كۇنىنە $56 دوللاردى قۇرايتىن پرەزيدەنتتىك جالاقىسى 2015 جىلى 62 پايىزعا ارتقاننان كەيىن عانا وسى سوماعا جەتكەن. الەمدىك الپاۋىتقا اينالعان ەلدىڭ قاراپايىم باسشىسى، ايەلى مەن قىزى ەشقانداي جەكە كاسىپكەرلىكپەن اينالىسپايدى. دەگەنمەن، جاقىن تۋىستارىنىڭ بايلىعى $376 ميلليون دوللاردى قۇرايتىنى بەلگىلى بولعان.

• ساۋلي ءنيينيستو – فينليانديا پرەزيدەنتى.

«سولتۇستىك شۇعىلاسىمەن» اتاقتى ەلدىڭ پرەزيدەنتىنىڭ جىلدىق جالاقىسى -  $146 700 دوللار ەكەن. بۇل دەگەنىڭ  $12 225 دوللار ايلىق بولسا، ءنيينيستو كۇنىنە $402 دوللار الادى دەگەن ءسوز.

• ۆلاديمير پۋتين – رەسەي فەدەراسياسىنىڭ پرەزيدەنتى.

كرەمل باسشىسى جىلىنا $151 000 دوللار جالاقى الادى. Forbes جۋرنالى 2016 جىلدىڭ الەمدەگى ەڭ ىقپالدى تۇلعاسى رەتىندە تانىعان پۋتين ايىنا $12 586 دوللار نەمەسە كۇنىنە $414 دوللاردى قۇرايتىن جالاقىعا يە. 2015 جىلى ۆلاديمير پۋتين ءوزىنىڭ جالاقىسىن 10%-عا قىسقارتۋ تۋرالى شەشىم قابىلداعان.

• تەرەزا مەي – ۇلىبريتانيانىڭ پرەمەر-مينيسترى.

انگليانى قاتاڭ تارتىپتە باسقارىپ وتىرعان حانىمنىڭ جىلدىق جالاقىسى - $198 509 دوللار. ياعني، ايىنا $16 542 دوللار، ال كۇنىنە $544 دوللار الادى. ءوز قاراجاتىن تۋفلي كوللەكسياسىن تولىقتىرۋعا جۇمسايتىن كورىنەدى. سەبەبى، ونىڭ اياق كيىمدەرىنىڭ ءوزى بولەك ارنايى بولمەدە ساقتالادى ەكەن.

• ەممانيۋەل ماكرون – فرانسيانىڭ پرەزيدەنتى.

ەڭ جاس فرانسۋز پرەزيدەنتى جىلىنا $211 530 دوللار نەمەسە ايىنا $17 628، ياعني، كۇنىنە $580 دوللار جالاقى الادى. «قارجى موسارتى» اتانعان ماكرون پرەزيدەنت بولعانعا دەيىن دە بانك سالاسىندا وتە تابىستى قىزمەت اتقارعان. سول كەزدىڭ وزىندە-اق جىلىنا $1 ميلليون دوللار جالاقى العان ەكەن.

• لي سيانلۋن – سينگاپۋر پرەمەر-مينيسترى.

قارقىندى دامىعان ەلدىڭ قازىرگى باسشىسى جىلىنا $ 2 ميلليون 200 مىڭ دوللار الادى. ول بۇگىنگى قىزمەتىن ءوزىنىڭ اكەسى لي كۋان يۋ-دان مۇراگەرلىككە العان. سينگاپۋر ەكونوميكاسىن شارىقتاتقان باسشىنىڭ بالاسى الەم ەلدەرى پرەزيدەنتتەرى اراسىندا ەڭ جوعارعى جالاقى الادى. دەمەك، ايىنا $147 مىڭ دوللار، كۇنىنە $ 7350 دوللار. ول ءوزىنىڭ جالاقىسىن «ادال ءارى لايىقتى» دەپ ەسەپتەيتىنىن مالىمدەگەن بولاتىن. بۇعان دەيىن ونىڭ جالاقىسى 36 ەسە كوپ بولعان. تەك سينگاپۋر حالقىنىڭ نارازىلىعىنان كەيىن جالاقىسىن ازايتۋعا شەشىم قابىلداعان ەكەن. سونىڭ وزىندە سينگاپۋر پرەمەرى كانادا، اۆستريا، شۆەيساريا، بەلگيا، رەسەي سياقتى ەلدەردىڭ پرەزيدەنتتەرىنىڭ جالاقىسىنىڭ ءبارىن قوسقاننان دا كوپ  ايلىق الادى.