تۇڭعىش پرەزيدەنت كەڭسەسىنىڭ باسشىسى تاعايىندالدى دەپ حابارلايدى Qamshy.kz اقپارات اگەنتتىگى.

ماحمۇد قاسىمبەكوۆ قازاقستان تۇڭعىش پرەزيدەنتى كەڭسەسىنىڭ باسشىسى بولىپ تاعايىندالدى.  ال، اباي بيسەمبايەۆ قازاقستان تۇڭعىش پرەزيدەنتى ءىس باسقارۋشىسىنىڭ ءبىرىنشى ورىنباسارى بولىپ تاعايىندالدى.

باقىتجان تەمىربولاتقا قازاقستان پرەزيدەنتى كەڭسەسىنىڭ باستىعى مىندەتىن ۋاقىتشا اتقارۋ جۇكتەلدى. ەرلان باتتاقوۆ قازاقستان پرەزيدەنتىنىڭ ءىس باسقارۋشىسى مىندەتىن ۋاقىتشا اتقارادى.

نازاربايەۆ قول قويعان جارلىق 19 ناۋرىزدا اقوردا سايتىندا جاريالاندى.

19 ناۋرىزدا قازاقستان پرەزيدەنتى نۇرسۇلتان نازاربايەۆ ورتالىق تەلەارنالار ارقىلى مالىمدەمە جاساپ، وكىلەتتىلىگىن توقتاتاتىنىن مالىمدەدى. 

نازاربايەۆ "سايلاۋ كەزىندە سەنگەن" حالىققا العىس ايتتى. ول "نۇر وتان" پارتياسىنىڭ جەتەكشىسى جانە قاۋىپسىزدىك كەڭەسىنىڭ ءتوراعاسى بولىپ قالا بەرەتىنىن جەتكىزدى.

نازاربايەۆ سايلاۋ وتكەنگە دەيىن ۋاقىتشا پرەزيدەنت قىزمەتىن سەنات ءتوراعاسى قاسىم-جومارت توقايەۆقا سەنىپ تاپسىردى. 

ۇسىنعان: فاريزا جومارت قىزى