قازاقستانداعى بيلىكتىڭ باسقارۋ قۇرىلىمىنىڭ وزگەرۋى تالايدى ويلانتقانى جانە تاڭقالدىرعانى انىق. ەندىگى ساياسات قالاي بولادى، قازاقستان نازاربايەۆسىز  العا جىلجي الا ما؟ رەسەي ساراپشىلارىنىڭ بۇل ماسەلەگە كوزقاراسى قانداي؟ سونىمەن...

دميتريي ابزالوۆ، رەسەي ستراتەگيالىق كوممۋنيكاسيالار ورتالىعىنىڭ پرەزيدەنتى:

«نۇرسۇلتان نازاربايەۆ – ءقازىر قاۋىپسىزدىك كەڭەسىنىڭ ءتوراعاسى. انىعىنا كەلگەندە، بۇل جۇيەگە دايىندىق 2014 جىلدان باستالدى. ەندى قاۋىپسىزدىك كەڭەسى نازاربايەۆتىڭ كەلۋىمەن وكىلەتتىلىگىن نىعايتادى. جاقىندا ۇكىمەت باسشىسى اۋىستى. نازاربايەۆتىڭ بيلىك پارتياسىندا دا بەدەلى اسا جوعارى. پارلامەنت تە  ونى جاقتايدى. دەمەك  بولاشاقتا دا ۇكىمەت قۇرامىن جاساقتاۋعا دا بيلىك پارتياسىنىڭ ىقپالى جوعارى بولادى. بىلايشا ايتقاندا، قاۋىپسىزدىك كەڭەسىن كۇشەيتۋ ارقىلى بولاشاقتا قازاقستان پارلامەنتتىك رەسپۋبليكاعا وتەدى دەگەن ءسوز. نازاربايەۆتىڭ سىرتقى ساياساتتا تا ىقپالى كۇشتى. تەك ول ەلدىڭ ىشكى الەۋمەتتىك-ەكونوميكالىق ماسەلەلەرىنە عانا ارالاسا المايدى.

♦نازاربايەۆتىڭ وتستاۆكاسىنا قايعىرعان 3 پرەزيدەنت

انىعىن ايتقاندا، پوستكەڭەستىك ەلدەردىڭ ىشىندە مەملەكەتتى ۇزاق باسقارىپ وتىرعان – ءۇش ادام عانا. نازاربايەۆ كەتتى، ەندىگى قالعانى – ەمومالي روحمون مەن الەكساندر لۋكاشەنكو.

ال پرەزيدەنتتىك كرەسلوعا توقايەۆتى قالدىرۋى زاڭدى قۇبىلىس. توقايەۆتىڭ ەشقانداي كلاندار مەن توپتارعا  قاتىسى جوق، ول – تازا ادام. ۇزاق جىلداردان بەرى ديپلوماتيالىق قىزمەتتە. حالىقارالىق قاتىناستا بەدەلى جوعارى ادام. توقايەۆ قازاقستاننىڭ كوپ ۆەكتورلى ساياساتىن قۇرۋشى قايراتكەرلەردىڭ ءبىرى. حالىقارالىق قوعامداستىق ونى جاقسى تانيدى. دەمەك مۇراگەرلىككە مۇنداي ادامنىڭ كەلۋى –دۇرىس نارسە. نازاربايەۆ بۇل ورايدا قاتەلەسكەن جوق دەپ ويلايمىن.

سەرگەي ستەپاشين، رەسەيدىڭ ەكس-پرەمەرى:

–قورقاتىن ەشنارسە جوق.  جولداس  نازاربايەۆ  قازاقستاندى دا، رەسەيدى دە ساقتاپ قالادى، ەشقانداي ەلدى ساتىپ كەتپەيدى. نازاربايەۆ –قازاقستاندىق ۇلگىدەگى دەن سياوپين. وعان جاڭا قىزمەتىندە تابىس تىلەيمىن.  

فرانس كلينسيەۆيچ، رەسەي فەدەراسيا كەڭەسىنىڭ قورعانىس جانە قاۋىپسىزدىك كوميتەتىنىڭ مۇشەسى:

–رەسەيمەن ىنتىماقتاستىق جاقسارا تۇسەدى. نازاربايەۆتىڭ ىقپالى ەشقاشان تومەندەمەيدى. ءبىراق امەريكانىڭ ارناۋلى قىزمەت ورىندارى قازاقستاننىڭ ىشكى تۇراقتىلىعىن بۇزۋ ءۇشىن ءارتۇرلى جوبالار ۇسىنىپ، حالىقتى ابىگەرگە سالۋى ىقتيمال. مۇنى دا جوققا شىعارۋعا بولمايدى. سوندىقتان مۇنداي ماسەلەگە ءبىز دە دايىن بولۋىمىز كەرەك.

گەنناديي بۋربۋليس، رەسەيدىڭ بۇرىنعى مەملەكەتتىك حاتشىسى:

–نۇرسۇلتان نازاربايەۆ قاۋىپسىزدىك كەڭەسىنىڭ ءتوراعاسى بولىپ ورنىندا قالدى. ونىڭ فۋنكسيالارى وتە كەڭ جانە شەكسىز  اتالعان ورگان نازاربايەۆتىڭ باستاماسىمەن قۇرىلدى. ول –اقيقات. نازاربايەۆ قاۋىپسىزدىك كەڭەسىنىڭ وكىلەتتىگىن بارىنشا كەڭەيتۋ ارقىلى ۇلت كوشباسشىسى مارتەبەسىن تاعى دا نىقتاۋى مۇمكىن. اقيقاتىنا كەلگەندە، ول قازاقستاننىڭ شىنايى باسشىسى بولىپ بيلىكتە قالا بەرەدى.