15 ناۋرىزدا جاڭا زەلاندياداعى مەشىتتە تەراكت كەزىندە 50 مۇسىلمان قايتىس بولعان ەدى. اتالمىش وقيعادان كەيىن جاڭا زەلانديانىڭ تۇرعىندارى مۇسىلماندارعا قولدارىنان كەلگەنشە قولداۋ كورسەتتى.

اتالمىش تەراكتى يسلاموفوبيانى ءورشىتۋ ءۇشىن جاسالعانى بەلگىلى. تەرروريستىڭ ءوزى جەر بەتىندەگى مۇسىلمانداردىڭ سانىن ازايتۋدى ماقسات ەتكەنىن ايتقان. دەگەنمەن، بۇل جايتتان كەيىن كەرىسىنشە كوپتەگەن ادامداردىڭ يسلام دىنىنە دەگەن قىزىعۋشىلىعى ارتتى. 

الەم بويىنشا وزگە ءدىن وكىلدەرى "سەندەر قۇلشىلىق جاساي بەرىڭدەر، ال ءبىز سەندەردى كۇزەتەمىز" دەگەن پلاكاتتاردى ۇستاپ، مەشىتتەردى كۇزەتتى. ءتىپتى كەيبىرى كاليما ايتىپ، يسلام ءدىنىن قابىلدادى. ءارى ولاردىڭ سانى كۇن ساناپ ارتىپ كەلە جاتىر. جانتۇرشىگەرلىك تەراكتىدەن كەيىن يسلام ءدىنىن قابىلداعانداردىڭ ءتىزىمىن Qamshy.kz اقپارات اگەنتتىگى وقىرمان نازارىنا ۇسىنادى. 

دەللا مايلز 

امەريكالىق ءانشى، مايكل دجەكسون جانە ۋيتني حيۋستونمەن بىرگە جۇمىس ىستەگەن دەللا مايلز تۇركيادا جۇرگەن كەزدە يسلام ءدىنىن قابىلدادى. الەمگە ايگىلى دجاز ءانشىسى داللا مايلزدىڭ مۇسىلماندىقتى قابىلداماس بۇرىن يسلامدى 1 جىل بويى زەرتتەگەن. كەيىن ستامبۇل قالاسىندا مۇسىلمان اتاندى. ونىڭ يسلام ءدىنىن قابىلداۋىنا جاڭا زەلاندياداعى تەراكت ىقپال ەتكەن. 

"كوپتەگەن ەلدەردە يسلاموفوبيا وبا ءتارىزدى كەڭ ەتەك الۋدا. وعان جاڭا زەلاندياداعى تەراكت بىردەن-بىر دالەل بولا الادى. مەنىڭ جۇرەگىم قارس ايىرىلدى. سابىرلىلىق پەن مەيىرىمنىڭ جەتىسپەۋىنەن سۇمدىق وقيعالار ورىن الىپ جاتىر. ال يسلام ءدىنى وسىنداي جەتىسپەۋشىلىكتەردىڭ ورنىن تولتىرادى. مەن يسلام ءدىنىن قابىلداپ، مۇسىلمان اتانعانىم ءۇشىن باقىتتىمىن. بۇل جاراتقاننىڭ ماعان جاساعان ەڭ ۇلكەن سىيى"، - دەيدى تانىمال ءانشى. سونداي-اق ول ءوزىنىڭ Instagram پاراقشاسىنا حيدجاب كيگەن سۋرەتىن جاريالادى. 

وفا تۋۋنگافاسي

تانىمال سپورتشى، رەگبيست وفا تۋۋنگافاسي يسلام ءدىنىن قابىلدادى. ول كرايسچەرچ قالاسىنداعى تەراكت بولعان مەشىتتە مۇسىلماندىقتى قابىلداعان.  سپورتشىنىڭ مۇنداي شەشىم قابىلداۋىنا جاڭا زەلاندياداعى تەراكت اسەرت ەتىپتى. ول مۇسىلماندىقتى قابىلداعاننان كەيىن تەراكتىدەن زارداپ شەككەندەردىڭ ءحالىن ءبىلۋ ءۇشىن اۋرۋحاناعا بارعان. سونداي-اق ول اۋرۋحاناداعى مۇسىلماندارمەن سويلەسۋدەن راحات العانىن، شابىتتانعانىن ايتتى. 

كەيىن "مەن تەراكتىدەن زارداپ شەككەن مۇسىلماندارمەن سويلەسىپ كەرەمەت اسەرگە بولەندىم. تەزىرەك جازىلىپ كەتۋىن تىلەيمىن! سىزدەر ءۇشىن دۇعا جاسايمىن"، - دەپ جازدى وفا تۋۋنگافاسي ءوزىنىڭ Twitter پاراقشاسىنا. 

سونني لي ۋيليامس

33 جاستاعى تانىمال سپورتشى 2009 جىلى يسلام ءدىنىن قابىلداعان. ءبىراق جاڭا زەلاندياداعى تەراكتىدەن كەيىن ونىڭ اناسى سونني لي ۋيليامس مۇسىلماندىقتى قابىلدادى. 

سونداي-اق ينتەرنەتتە تاعى ءبىر جاڭا زەلانديا تۇرعىنىنىڭ مۇسىلماندىقتى قابىلداعان ۆيدەوسى تاراعان. ونىڭ دا مۇسىلماندىقتى قابىلداۋىنا 15 ناۋرىزداعى تەراكتى اسەر ەتكەن. 

ايتا كەتسەك، جاڭا زەلاندياداعى تەراكتىدەن كەيىن 350 ادام مۇسىلماندىقتى قابىلدادى دەگەن اقپارات قىزۋ تالقىعا تۇسكەن. الايدا بۇل جالعان اقپار ەكەنى دالەلدەندى. اتالمىش ۆيدەو 2007 جىلعى ەكەنى انىقتالدى. 

22 ناۋرىزدا كرەيسچەرچ قالاسىندا باسقا مۇسىلمان ەلدەرىندە بولماعان جايت ورىن الدى. جۇما كۇنگى ازان بارلىق جەرگىلىكتى تەلەارنالاردان تىكەلەي ەفيردە كورسەتىلدى. سونداي-اق مىڭداعان ايەلدەرىن قازا بولعان 50 مۇسىلماننىڭ قۇرمەتىنە ورامال تاقتى. پرەمەر-مينيستر دە ورامال تارتىپ، مۇسىلماندارعا قايعىرا كوڭىل ايتتى.