جيىن كەزىندە جۋرنالدىڭ تۇساۋكەسەرى ءوتىپ، ونىڭ مازمۇنى تانىستىرىلدى. بۇل باسىلىمدا مەديسينالىق باعىتتان بولەك، ناۋقاستاردىڭ جان-ايقايى، دارىگەرلەردىڭ، وزگە دە قىزمەتكەرلەردىڭ پىكىرى قامتىلىپتى. وعان قوسا، بۇل جەردەن قاراقۇرت اۋرۋىمەن ەڭسەسىن تۇسىرمەي، تالماي كۇرەسىپ كەلە جاتقان جانداردىڭ كۇرەس جولى، جەتىستىگى، قايعى-مۇڭى ەش بوياماسىز بەرىلگەن. كونفەرەنسيا بارىسىندا تۋبەركۋلەز پروبلەمالارى ۇلتتىق ورتالىعىنىڭ ديرەكتورى تىلەۋحان شىلدەباي ۇلى ەلىمىزدەگى جاعدايعا دا توقتالا كەتتى.
«بيىل ناۋقاستانۋ كورسەتكىشتەرى 9،5%-عا تومەندەگەن. ال ءولىم كورسەتكىشتەرى 16،1%-عا دەيىن قىسقارعان. تۋبەركۋلەزدى انىقتاۋ ماسەلەلەرى دە تولىعىمەن شەشىلدى. قازاقستاننىڭ وسىنداي تۋبەركۋلەزبەن بەلسەندى كۇرەسىن بايقاپ وتىرعان شەيتەلدىك كومپانيا جۋرنال شىعارۋ تۋرالى ۇسىنىس جاسادى. قازاقستانداعى جۇمىستاردى وزگە شەتەلدەرگە جەتكىزۋ ماقساتىندا شىعارىلدى»، -دەيدى تۋبەركۋلەز پروبلەمالارى ۇلتتىق ورتالىعىنىڭ ديرەكتورى.
«Otsuka» كومپانياسىنىڭ مەديسينالىق جوبالار بويىنشا مەنەدجەرى مارك دەستيتو تۋبەركۋلەز پروبلەمالارى ۇلتتىق ورتالىعىن، قىزمەتكەرلەرىنە العىس ايتىپ: «سىزدەر ءبىزدىڭ يدەيامىزعا قولداۋ ءبىلدىرىپ، ىنتىماقتاستىق قارىم-قاتىناستا جۇمىس ىستەدىك. ءقازىر جۋرنال 30 مىڭنان اسا تارىلىممەن شىقتى. بۇل جۋرنال مەديسينالىق ۋنيۆەرسيتەتتەردە، ەمدەلۋ ورتالىقتارىندا، ءتۇرلى ۇيىمداردا تارالاتىن بولادى. ءبىزدىڭ كومپانيا قىرىق جالدان اسا تۋبەركۋلەزبەن كۇرەسىپ كەلەدى. سوندىقتان بىرىگۋدىڭ ءبىز ءۇشىن ماڭىزى زور. بۇل جۋرنال سىزدەردىڭ قوعام ءۇشىن پايدالى بولادى دەگەن ۇمىتتەمىز» دەپ ءسوزىن اياقتادى.كونفەرەنسيا سپيكەرلەرى جۋرناليستەر سۇراعىنا جاۋاپ بەردى. سونىمەن قاتار، ب ا ق قىزمەتكەرلەرى بۇرىن تۋبەركۋلەزبەن اۋىرىپ، ءقازىر تولىق ايىققان اداممەن تىكەلەي سۇحبات قۇردى. وڭتۇستىك قازاقستان وبلىسىنىڭ تۇرعىنى، 50 جاستاعى ورىنباسار مەيرام ۇلى بىرنەشە جىل بۇرىن قاراقۇرت اۋرىنا شالدىققان. ءقازىر تولىعىمەن ايىققان. ول جۋرناليستەرگە باسىنان وتكەن قيىندىقتار مەن كەدەرگىلەر تۋرالى اشىق اڭگىمەلەپ بەردى.
«2007 جىلدىڭ اياعىندا تۋبەركۋلەزدىڭ اشىق تۇرىنە شالدىقتىم. باستاپقىدا سەنە المادىم. ءبىراق ماعان تۋبەركۋلەزبەن اۋىراسىڭ دەپ دياگنوز قويدى. ارينە، قورىقتىم. كۇرەسۋ كەرەك بولدى. ءبىراق دارىگەر-فتيزياترلاردىڭ كومەگىمەن وسى اۋرۋدى جەڭىپ شىقتىم. ءقازىر ەل قاتارلى جۇمىسىمدى ىستەپ ءجۇرمىن» دەيدى ول.جيىن سوڭى كوفە-برەيكپەن جالعاستى. مۇنداي ارىپتەستىك الداعى ۋاقىتتا داستۇرگە اينالماق.
انىقتاماەلىمىزدە تۋبەركۋلەزبەن كۇرەس ۇزدىكسىز ءارى ماقساتتى تۇردە جۇرگىزىلىپ كەلەدى. تۋبەركۋلەزگە قارسى كۇرەستىڭ ناتيجەسىندە سوڭعى ون جىلدا بۇل دەرتكە شالدىعۋشىلار سانى ازاي دى.ماسەلەن، تۋبەركۋلەزگە شالدىعۋ 54،9%،-عا، ال ءولىم-جىتىم كورسەتكىشى 77،4%-عا تومەندەدى. 2014 جىلدىڭ جىلدىق قورىتىندى كورسەتكىشتەردەن دە جاقسى ناتيجەنى بايقاۋعا بولادى. 2014 جىلى 2013 جىلمەن سالىستىرعاندا تۋبەركۋلەزگە شالدىعۋ دەڭگەيى 9،5%-گە، ءولىم-جىتىم 16،1%-گە ازايدى. ياعني، 100 مىڭ ادامعا شاققانداعى كورسەتكىش 5،6-دان 4،7-گە ءتۇستى.
