BANK RBK اق ديرەكتورلار كەڭەسىنىڭ ەكس-توراعاسى بىرنەشە ميللياردتى جىمقىرىپ كەتكەنى ءۇشىن ىزدەۋدە جۇرگەن. وتكەن جۇما كۇنى ول رەسەيدەن قازاقستانعا ەكستراديسيالاندى دەپ حابارلايدى Qamshy.kz اقپارات اگەنتتىگى باس پروكۋراتۋرانىڭ ءبسپاسوز قىزمەتىنە سىلتەمە جاساپ.

"باس پروكۋراتۋرا قىزمەتكەرلەرىنىڭ ەڭبەگىنىڭ ارقاسىندا جومارت ەرتايەۆ قىلمىستىق جاۋاپكەرشىلىككە تارتۋ ءۇشىن رەسەيدەن ەكستراديسيالاندى"، - دەلىنگەن ارنايى مالىمدەمەدە.

وتكەن جىلدىڭ ناۋرىز ايىندا جومارت ەرتايەۆقا BANK RBK اق-داعى قىزمەتتىك شەنىن پايدالانىپ، 2011-2017 جىلدار ارالىعىندا 144 ميلليارد تەڭگەنى جىمقىردى دەگەن ايىپ تاعىلىپ، حالىقارالىق ىزدەۋ جاريالانىلعان.

جومارت ەرتايەۆپەن بىرگە بۇل قىلمىسقا قاتىسى بار ادامدار رەتىندە 54 ادام كۇدىكتى رەتىندە تىركەلگەن. ولاردىڭ 41ء-ى توپ-مەنەدجەرلەر بولسا، قالعاندارى قاتارداعى قىزمەتكەرلەر. ءبىراز ۋاقىت بۇرىن بانكتىڭ ەكستراديسيالانعان ۇلەسكەرى باقىت يبراگيم، ي. ماجينوۆ، د. تۋعانباي، د. ەدىگەنيەۆ، ا. مامىربەكوۆ، ت. ءشارىپوۆ تە بار بۇل قاتاردا.

تەرگەۋ امالدارى بارىسىندا 15 ميلليارد تەڭگە قايتارىلىپ، 48 ميلليارد تەڭگەنىڭ مۇلكىن قولدانۋعا تىيىم سالىنعان.