تابيعات ادامزاتتى تاڭقالدىرۋىن جالعاستىرىپ كەلەدى. ۆەتنامداعى جەر استى الەمى ادامزاتتى تاڭقالدىردى دەپ جازادى Qamshy.kz اقپارات اگەنتتىگى.

ۆەتنامنىڭ ورتالىعىندا، Nha-Ke Bang ۇلتتىق پاركىندە عاجايىپ فلورا مەن فاۋناسى بار شوندۋنگ ۇڭگىرى ورنالاسقان. ونى ەڭ العاش رەت 1991 جىلى جەرگىلىكتى فەرمەر حو حاننان تاپقان. قىزىعى، ۇڭگىر وتە كەڭ. بيىكتىگى دە ادامدى تاڭعالدىرادى. شامامەن 40 قاباتتى ءۇيدىڭ بيىكتىگىنە جەتەدى. ەل استاناسى حانويدەن شاشامەن 200 ميلدەي قاشىقتىقتا ورىن تەپكەن. زەرتتەۋشىلەردىڭ ايتۋىنشا، ۇڭگىردىڭ "جاسى" شامامەن 2-5 ملن جىلعا جەتەدى.

ۇڭگىردىڭ ىشىنەن  كوپتەگەن جانۋارلار مەن وسىمدىكتەر تابىلعان. ۇزىندىعى 9 شاقىرىمعا، ەنى 150 مەترگە سوزىلعان جەكە الەمدى زەرتتەۋ ءالى تولىعىمەن اياقتالماعان. ءار كەزدە زەرتتەۋشىلەر ۇڭگىردەن جاڭا، تاڭعاجايىپ نارسەلەردى تابادى.

ۇڭگىرگە ەنەتىن كۇن ساۋلەلەرىنىڭ ارقاسىندا بىرەگەي ەكوجۇيە پايدا بولعان. جەر استى ورمانىنىڭ اعاشتارىندا مايمىلدار سەكىرىپ، سۋىندا وسىمدىكتەر وسەدى، ال تاستارىن مۇك جاپقان. وندا جاندىكتەردىڭ دە ءۇنىن ەستۋگە بولادى.  

200 مەتر بيىكتىكتەگى ۇڭگىردەگى ۇلكەن تەمپەراتۋرانىڭ ايىرماشىلىعىنا بايلانىستى بۇلتتار پايدا بولعان. وندا وزەن، كول بار. ءتىپتى، جاعاجاي دا جاسالعان.