"يسلام مەملەكەتتەرى" توبىنا (ەلدە تىيىم سالىنعان) مۇشە بولعانى ءۇشىن سوتتالعان 29 تۇتقىن، تاجىكستان مەملەكەتىندەگى ۆاحدات قالاسىنداعى تۇزەتۋ كولونياسىنان قاشۋ امالدارىن ۇيىمداستىرعاننان كەيىن ولتىرىلگەن. ول تۋرالى 20 مامىردا ەلدىڭ ادىلەت مينيسترلىگى حابارلادى دەپ جازادى Qamshy.kz اقپارات اگەنتتىگى. 

وقيعا كەشە ساعات 20:30-دا (ەلوردا ۋاقىتىمەن 21:30) №2/3 قاتاڭ جازالاۋ كولونياسىندا بولعان. تۇرمەدە بارلىعى 1500 تۇتقىن بار. 

"يسلام مەملەكەتتەرى" توبىنا مۇشە 30 تۇتقىننان قۇرالعان توپ، پىشاق جانە باسقا دا سۋىق قارۋلار پايدالانىپ  تۇرمەنىڭ ءۇش قىزمەتكەرىن ءولتىرىپ، قاشىپ كەتپەك بولعان. 

"قاقتىعىس كەزىندە 3 تۇرمە قىزمەتكەرى جانە 29 تۇتقىن قازا تاپتى. قازا تاپقاندار ىشىندەگى 8 ادامدى قاشۋدى ۇيىمداستىرعان تۇتقىندار وزدەرى ولتىرگەن"، - دەپ حابارلادى تاجىكستان ادىلەت مينيسترلىگىنىڭ ورىنباسارى مانسۋردجون ۋماروۆ. 

قازىرگى تاڭدا جاعداي قالىپقا كەلتىرىلىپ، كولونيا اكىمشىلىگىنىڭ باستى باقىلاۋىنا الىندى.

ۇسىنعان: مارجان سابەت