20-شى عاسىردىڭ ەڭ ۇلى ايەلدەرىنىڭ ءبىرى – كوكو شانەل. بۇل فرانسۋز حانىمى ايەل زاتىنا ءجاي كيىنۋدى عانا ەمەس، كيىمگە قاتىستى جاڭا كوزقاراس، ساندە ۇلكەن ريەۆوليۋسيا جاسادى. كوپتەگەن ادامدار Coco Chanelء-دى تەك برەند رەتىندە بىلەدى، ءبىراق وسى ءسان الىبىنىڭ نەگىزىن قالاۋشى ادام جايلى بىلە بەرمەيدى دەپ جازادى Qamshy.kz اقپارات اگەنتتىگى.
- ونىڭ شىن ەسىمى كوكو ەمەس
شىن مانىندە، ونىڭ ومىرگە كەلگەندە قويىلعان شىنايى ەسىمى – گابريەل بوحنەر شانەل. ول كىشكەنتاي فرانسۋز قالاشىعىندا كەدەي وتباسىندا دۇنيەگە كەلگەن، اتا-اناسى قايتىس بولعاننان كەيىن سىڭىلىسىمەن بىرگە بالالار ۇيىنە بارۋعا ءماجبۇر بولادى. بۇل كەزدە كوكو 12 جاستا ەدى. بالالار ۇيىندە ول تىگۋدى ۇيرەندى جانە تىگىنشىلىك قابىلەتى ونىڭ ءومىرىن وزگەرتەدى. كوكو بالالار ۇيىنەن كەتكەن كەزدە شاعىن كافەلەردە ءان ايتۋىنا تۋرا كەلگەن. ونىڭ رەپەرتۋارىنداعى ەكى انگە قاراپ، حالىق ونى "كوكو" دەپ اتاپ كەتەدى. كوپ ۇزاماي كوكو ەسىمى بارىنە تانىلا باستادى، ال شىن ەسىمى ۇمىتىپ كەتتى.
- كوكو ءوز جولىن ءساندى ايەلدەر قالپاعىن تىگۋدەن باستاعان
كوكو ءانشى مانسابىمەن اينالىسقىسى كەلمەيتىنىن ءتۇسىنىپ، مۋلينسقا كوشەدى. وندا ول ءوزىنىڭ العاشقى ماحابباتى ەتەن بالزانمەن كەزدەستى. الايدا ونىڭ ايەلى بولعان جانە وتە باي بولعان. سونىڭ ارقاسىندا كوكو ءساندى ءومىر سۇرە باستايدى. ەتەن كوكو ونەرىنىڭ العاشقى تابىنۋشىسى بولدى جانە ءىس جۇزىندە ءوز ءسان بيزنەسىن باستاۋعا كومەكتەستى. تىگىن شەبەرلىگى مەن تالعامپازدىعىنىڭ ارقاسىندا كوكو بارلىق ايەلدەردىڭ ارمانىنداعى قالپاقتاردى جاساي باستادى. پاريجدەگى Cambon Street-تە ءوزىنىڭ العاشقى دۇكەنىن اشتى. كوكو بىرنەشە جىل بويى باس كيىمدەر تىگۋمەن اينالىسىپ، پاريجدە بىرنەشە دۇكەن اشتى، سودان كەيىن كوللەكسياعا كيىم-كەشەكتەر قوسقان. الايدا، شانەل ءوزىنىڭ ءسان يمپەرياسىنا تولىعىمەن يە بولمادى. بۇگىنگى كۇنى برەندكە 100% يەلىك كوكونىڭ ىسكەر سەرىكتەسى ۆەرتحەيمەر وتباسىنا تيەسىلى.
- ءسان الەمىندە ريەۆوليۋسيا باستادى
كوكو ءۇشىن 1900ء-شى جىلداردىڭ ءسانى ءوڭسىز، سۇرىقسىز كورىندى. ول سول ساتتەگى ءساندى وزگەشە كوزقاراسپەن كوردى. كوكو ەڭ العاش شالباردى قوعامدىق ورىنعا كيىپ، ريەۆوليۋسيا جاسادى. ول سونداي-اق ءساندى ماتەريالداردان جاسالعان ايەلدەر كيىمىنەن قالعان ەسكى تريكوتاجدان كيىم جاساعان العاشقى ديزاينەر جانە ونىڭ كيىمدەرى بىردەن تانىمال بولدى. كوكو العاش رەت تىزەدەن كەلەتىن بەلدەمشەنى ويلاپ شىعارىپ، بۇكىل قوعامدى دۇرسىلكىندىردى. ول ءوزىنىڭ ستيلىنە ەرلەردىڭ ەلەمەنتتەرىن قوسىپ، سول كەزدەگى ايەلدەردەن ەشكىم كۇتپەيتىن بەينەلەر جاساعان.
- كىشكەنتاي قارا كويلەك
ءاربىر ايەلدىڭ شكافىندا قارا كيىم بار ەكەنى ءسوزسىز. بۇل ءۇشىن ءبىز كوكو شانەلگە وسىنداي قارا كويلەك جاساعانى ءۇشىن العىس ايتۋىمىز كەرەك. 1920 جىلدارى وعان قارا ءتۇستى كيىم جاساۋ يدەياسى كەلدى، 1926 جىلى Vogue-دە ونىڭ شەديەۆرىنىڭ سۋرەتى جارىق كوردى. بۇل ءساندى جۋرنالدا قارا كويلەك "شانەلدىڭ فوردى" دەپ اتالدى. كوكو قۇرعان بارلىق نارسە سەكىلدى، كىشكەنتاي قارا كويلەك تە سەنساسياعا اينالدى. كينويندۋستريادا كەيىپكەرلەردىڭ بارلىعى قارا كويلەكتەر كيىپ، كوكو شانەلدىڭ ەسىمىن تانىمال ەتە ءتۇستى.
- پيدجاك
1900 جىلدارى ايەلدەر تەك قانا كويلەك كيۋى كەرەك دەگەن وي قالىپتاسىپ كەتكەن ەدى. الايدا كوكو ايەلدەر كيىمنىڭ جاڭا ءتۇرىن قاجەت ەتەتىنىنە سەندى. شالبار، قىسقا كويلەك پەن ەرلەردىڭ ءسانىنىڭ ەلەمەنتتەرىن ءارقاشان ءوز شىعارماشىلىعىندا قولدانىپ وتىردى. 1925 جىلى ول الەمگە تانىمال، كلاسسيكالىق Chanel كوستيۋمىن تانىستىردى. بۇل قارىنداش يۋبكامەن بىرگە كيىلەتىن پيدجاك ايەلدەر ءسانىنىڭ ەڭ العاشقى كاسىبي نۇسقاسى بولدى. كوكو جۇزدەگەن جىلدار بويى قاتىپ قالعان ءساندى بۇزىپ، جاڭا ريەۆوليۋسيالىق تۋىندىنى جاسادى. وسىدان كەيىن ايەل زاتى شالبارلاردى، قىسقا كويلەكتەر مەن كوستيۋمدەردى كيۋدى باستادى. الايدا الدىمەن بۇل كيىمدەر قوعامدا قىزۋ سىنعا ۇشىراعان ەدى.
- باۋى بار سومكە
بار الەمدە Chanel سومكەسىن العىسى كەلمەيتىن ايەل بار ما؟ كوكو شانەل ۇنەمى ءتۇسىپ قالاتىن سومكەنى قولعا ۇستاۋ ىڭعايسىز ەكەنىن تۇسىنگەن كەزدە سومكەگە بەلبەۋ قوسۋ يدەياسى پايدا بولدى. بۇل ويعا ونى ساربازداردىڭ جىڭىشكە بەلبەۋى بار سومكەسى شابىتتاندىرعان. بۇل سومكەلەردىڭ العاشقى ۇلگىلەرى 1920 جىلداردىڭ سوڭىندا جۇرتشىلىققا ۇسىنىلدى. كلاسسيكالىق Chanel سومكەسى بۇگىنگى كۇنى "2.55" دەپ اتالادى. بۇل اتاۋ 1955 جىلدىڭ اقپانىندا سومكەنىڭ جاڭارتىلعان نۇسقاسى شىعارىلعاننان كەيىن قويىلعان بولاتىن. شانەلدىڭ سومكەسى ءالى كۇنگە دەيىن ەڭ تانىمال جانە ءسان يندۋسترياسى وسى سومكەلەردى جوعارى باعالايدى، سوندىقتان شانەل سومكەلەرىنىڭ قۇنى جىلدان جىلعا ارتىپ كەلەدى.
- كوكو شانەلدىڭ فاشيستەرمەن بايلانىسى
Coco Chanel 30 جىل بويى پاريجدەگى Ritz قوناق ۇيىندە تۇرعان. ەكىنشى دۇنيەجۇزىلىك سوعىس كەزىندە كوكو نەمىس وفيسەرىنە جۇمىس جاساپ، تىڭشى بولعان دەگەن اقپاراتتار بار. كەيبىر دەرەكتەرگە سۇيەنسەك، كوكو ءوز بايلانىستارىن فاشيستەرگە اقپارات بەرۋ ءۇشىن پايدالانعان. سول ءۇشىن فاشيستەر سول كەزدە جابىلىپ قالعان ريتس قوناق ۇيىندە تۇرۋعا رۇقسات بەرگەن. كەيبىر ادامدار، كوكو ءوز كاسىبىن ساقتاپ قالۋ ءۇشىن وسىنداي قادامعا بارعان دەيدى.
- حوش ءيىستى اتىرلەردىڭ ءبىرىنشى جەلىسى
1919 جىلى ءاتىردىڭ ەڭ العاشقى ۇلگىسى جاسالدى، الايدا رەسمي شىعارىلىم 1925 جىلى باستالدى. "Chanel اتىرلەرىن" ۆەرتحايمەرلەر وتباسى قارجىلاندىرعان، كەيىننەن ولاردىڭ اراسىندا مەنشىككە بايلانىستى ەلەۋلى كەلىسپەۋشىلىك بولعان. بىرنەشە جىلعى كۇرەستەن كەيىن، ەكى جاق جاڭا كەلىسىمگە كەلەدى. كوپ ۇزاماي كوكو ءالى كۇنگە دەيىن الەمگە تانىمال جاڭا حوش يىستەردى قۇرۋعا شىنداپ كىرىسەدى. شانەلگە قاتتى ۇناعان وسى ءحوشيىستىڭ بەسىنشى نۇسقاسى بولاتىن. Chanel №5 ءحوشيىسى تەگىننەن وسىلاي اتالماعان. سەبەبى "5" سانىن كوكو شانەل "ەڭ سۇيىكتى سانىم" دەپ ەسەپتەگەن. ونىڭ ومىرىندەگى كوپتەگەن جەتىستىكتەر وسى 5 سانىمەن بايلانىستى ەكەن. Chanel №5 ءحوشيىسىنىڭ اتاعى، اسىرەسە، مەريلين مونرونىڭ جارناماسىنان كەيىن ارتا تۇسكەن. بۇگىنگى تاڭدا، "Chanel N5" ەڭ جاقسى ساتىلاتىن ءاتىر بولىپ سانالادى. ءقازىر الەمدە 30 سەكۋند سايىن ونىڭ ءبىر داناسى ساتىلىپ جاتادى.
9. كوكو شانەلدىڭ ومىرىندە بىرنەشە رەت ماحاببات وقيعالارى بولسا دا، ول ەشقاشان تۇرمىسقا شىققان جوق.
- كوكو شانەلدىڭ مانسابىنداعى 15 جىلدىق ءۇزىلىس
كوكو شانەل 1938 جىلى ءسان الەمىن قالدىرۋ تۋرالى شەشىم قابىلدادى، جانە ول 15 جىل بويى شىعارماشىلىعىنان قول ۇزەدى. ديزاينەر كريستيان ديور مەن كريستوبال بالەنسياننىڭ تانىمالدىعى ارتىپ تۇرعان ساتتە، 1954 جىلى ءوزىنىڭ كوستيۋمى مەن باسقا دا تۋىندىلارىنىڭ جاڭارتىلعان نۇسقاسىمەن مودا ءۇيىن قايتا اشىپ، پاريج تۇرعىندارىنىڭ سىنىنا قالادى. سەبەبى، حالىق فاشيستەرمەن ىنتىماقتاستىقتا بولعان كوكونى جاعىمسىز قابىلدادى. ءبىراق سول ۋاقىتتا ول اقش پەن بريتانيا نارىعىن جاۋلاپ الدى.
"CHANEL" ءسان ءۇيىنىڭ نەگىزىن قالاعان اتاقتى فرانسۋز ديزاينەرى، XX عاسىردىڭ ءسان سالاسىنا كوپتەگەن جاڭالىقتار ەنگىزگەن سانگەر كوكو شانەل 1971 جىلدىڭ 10 قاڭتارىندا 87 جاسىندا ريس وتەلىندە قايتىس بولادى. جۇزدەگەن ادام جەرلەۋ راسىمىنە Chanel كوستيۋمىمەن كەلەدى. ونداعان جىلداردان كەيىن بەلگىلى مودەلەر كارل لاگەرفەلد شانەلدىڭ جۇمىستارىن ءوز قولىنا الىپ، Chanel كومپانياسى بۇگىنگە دەيىن ءوز جۇمىسىن جالعاستىرىپ كەلەدى.
پىكىر قالدىرۋ