اۋقىمدى سپورتتىق شارا ءداستۇرلى تۇردە ءوتۋدى ۋادە ەتتى، دەپ xابارلايدى اتىراۋ وبلىسىنىڭ وڭىرلىك كوممۋنيكاسيالار قىزمەتى.

سەنبىدە سۇلتان بەيبارىس الاڭىنا بىرنەشە ساعات بويى شامامەن 20 جەكپە-جەك وكىلدەرى جينالدى.ۇلكەن سپورتتىق دوداعا اينالدى.

جاۋىنگەرلىك ونەر فەستيۆالىنىڭ ۇيىمداستىرۋشىلارى - اتىراۋ وبلىسىنىڭ دەنە شىنىقتىرۋ جانە سپورت باسقارماسى، وبلىستىق جاۋىنگەرلىك ونەر اسسوسياسياسى، سونداي-اق، وليمپيادالىق ەمەس سپورتتىق جەكپە-جەك فەدەراسياسى.

فەستيۆال اياسىندا جاۋىنگەرلىك ونەر اسسوسياسياسىنىڭ قۇرامىنا كىرەتىن شامامەن 20 سپورت ءتۇرىنىڭ چەمپيوندارى : كاراتە، مۋاي تاي، كيكبوكسينگ، مما، پانكراتيون، گرەپلينگ، سامبو، تاەكۆوندو جانە دجۋ-دجيتسۋدان ءوز ونەرلەرىن كورسەتتى. 
- 10 مىڭنان استام ادام جاۋىنگەرلىك ونەر فەستيۆالىنىڭ كورەرمەنى بولدى. شارانىڭ نەگىزگى ماقساتى - وبلىستا سالاۋاتتى ءومىر سالتى مەن سپورتتى ناسيحاتتاۋ، اسىرەسە اتىراۋ وبلىسىندا بۇل ءۇشىن بارلىق جاعداي جاسالعان. وسىنداي شارالاردان كەيىن ءبىزدىڭ تۇرعىندارىمىز بالالارىن ءارتۇرلى سپورت سەكسيالارىنا الىپ كەلەدى دەپ ۇمىتتەنەمىز، - دەدى اتىراۋ وبلىسىنىڭ دەنە شىنىقتىرۋ جانە سپورت باسقارماسىنىڭ باسشىسى رينات يبراگيموۆ.

ءىس-شارا بارىسىندا كەلۋشىلەرگە سپورت زالدارى مەن سپورت سەكسيالارىنىڭ ءتىزىمى جازىلعان بروشيۋرالار تاراتىلدى. كەلۋشىلەرگە ىڭعايلى بولۋ ءۇشىن بارلىق قاجەتتى اقپارات فەيسبۋك، ۆكونتاكت جانە @atyrausport الەۋمەتتىك جەلىلەرىنە ورنالاستىرىلعان، سونداي-اق، 8 (7122) 50-60-92، 87028028938 بايلانىس تەلەفوندارىنا حابارلاسۋعا بولادى.

فەستيۆال سوڭىندا قازاقستاندىق ەسترادا جۇلدىزدارى ونەر كورسەتتى. مەرەكەلىك كونسەرت وتشاشۋمەن اياقتالدى.