اسكەري قىزمەتشى وقىرمانداردى كوپ جيناۋ ءۇشىن الەۋمەتتىك جەلىدە اقسۋ قالاسى اكىمىنىڭ اتىنان وتىرعان، دەپ حابارلايدى Qamshy.kz اقپارات اگەنتتىگى pavlodarnews.kz سايتىنا سىلتەمە جاساپ.

ءارتۇرلى فوتوسۋرەتتەر مەن جاريالانىمدار ۇنەمى پايدا بولاتىن @braevbalgabay جالعان اككاۋنتى Instagram-دا 2019 جىلعى 15 اقپاندا تىركەلگەن. ونىڭ بۇل ارەكەتىن اشكەرەلەپ، دالەلدى ىزدەۋ جۇمىسى ءبىر اپتاعا سوزىلعان.

29 جاستاعى پاۆلودار قالاسىنىڭ تۇرعىنى - قازاقستان رەسپۋبليكاسى ۇلتتىق ۇلانى 6679 اسكەري ءبولىمىنىڭ اسكەري قىزمەتشىسى اقسۋ قالاسىنىڭ اكىمى بالعاباي ىبىرايەۆتىڭ اتىنان Instagram پاراقشاسىن اشقانى انىقتالعان.

پاۆلودار وبلىسى اكىمىنىڭ ادەپ جونىندەگى ۋاكىلەتتى يۋريي فەلدماننىڭ ايتۋىنشا، اسكەري قىزمەتشى Instagram جەلىسىندەگى اكسۋ اكىمىنىڭ اتىنان پاراقشاسىن ءوز بەتىمەن جانە ۇيالى تەلەفونىنان اشقانىن كورسەتكەن. ونى وسىلاي جاساۋ تۋرالى ءۇشىنشى تاراپتاردىڭ بىردە-بىرەۋى - جۇبايى، تۋىستارى، تانىستارى، ارىپتەستەرى جانە ت.ب. سۇراماعان.

"اقسۋ قالاسىنىڭ اكىمى اتىنان اشىلعان Instagram پاراقشاسى 4-5 اپتانىڭ ىشىندە 900-گە جۋىق ادامدى جيناپ ۇلگەرگەن. ول قالا اكىمىنىڭ اتىنان اشۋ سەبەبىن اقسۋدان كوبىرەك وقىرمان جيناعىسى كەلگەنىن ايتىپ ءتۇسىندىردى. سودان كەيىن پاراقشاسىن ءوزىنىڭ ەسىمىمەن قايتا اتاۋدى جوسپارلاعان. وسىلايشا ءوز اككاۋنتى ارقىلى تانىمالدىققا يە بولعىسى كەلگەن،" - دەدى فەلدمان.

كەلىسىمشارت بويىنشا اسكەري قىزمەتشىلەرمەن رۇقسات ەتىلگەن رەسمي ءتارتىپ پەن مورالدىق-ەتيكالىق نورمالاردى بۇزۋ فاكتىسىنە قاتىستى  قىزمەتتىك تەرگەۋ جۇرگىزىلىپ، وعان سوگىس جاريالاندى.

قازىرگى تاڭدا، «اسكەري قىزمەت جانە اسكەري قىزمەتشىلەردىڭ مارتەبەسى تۋرالى» قازاقستان رەسپۋبليكاسى زاڭىنىڭ 26-بابى  نەگىزىندە تەرىس سەبەپتەر بويىنشا ونى جۇمىستان بوساتۋ قاراستىرىلۋدا.

“بۇگىنگى كۇنى ۇلتتىق گۆارديانىڭ قاتارىندا بولۋى تۋرالى ماسەلە اسكەري قىزمەتشى سىرقاتتانۋىنا بايلانىستى اۋرۋحانادان شىققاننان كەيىن شەشىلەدى”، - دەدى يۋريي فەلدمان.

اۋدارعان: يلدار اديلچەنوۆ