الماتىلىقتار ءوز سايلاۋ ۋچاسكەلەرىنە قوعامدىق كولىكپەن تەگىن بارا الادى. اۆتوبۋس، تروللەيبۋس، ءتىپتى مەتروعا دەيىن ەشكىمنەن اقى سۇرامايدى. باعىتتاردىڭ قوزعالىسى جەكسەنبىلىك كەستە بويىنشا جۇمىس ىستەۋدە. تاسىمالداۋشىلار بۇگىن 700 مىڭنان استام جولاۋشى بولادى دەپ بولجاپ وتىر. كومپانيالاردىڭ باسشىلارى ەلىمىزدە ءوتىپ جاتقان كەزەكتەن تىس پرەزيدەنت سايلاۋىن وسىلايشا قولداماق.
«قوعامدىق كولىكتەر تاڭعى ساعات 6.00-دەن تۇنگى ساعات 11.00-گە دەيىن تەگىن قاتىنايدى. الماتى قالاسىنداعى 14 تاسىمالداۋشى كومپانيانىڭ بارلىعى دا بۇگىن ەل يگىلىنە اقىسىز قىزمەت ەتەدى. ءار باعىتتىڭ قاتىناۋ قاشىقتىعى ءار ءتۇرلى، ءبىراق ەندى وسى 9 ماۋسىم كۇنى ول جەكسەنبى كۇنگى كەستەگە سايكەس جۇرەدى»، - دەيدى الماتى قالاسى جولاۋشىلار تاسىمالى مەكەمەلەرى
بۇعان دەيىن نۇر-سۇلتان، پاۆلودار، قىزىلوردا مەن شىمكەنت قالالارى اتالعان اكسيانى قولدايتىندارىن جەتكىزگەن ەدى. بۇل قالالاردا دا سايلاۋشىلار ءوز ۋچاسكەلەرىنە تەگىن جەتە الادى.
پىكىر قالدىرۋ