«امانات» ازاماتتىق پلاتفورماسىنىڭ نەگىزگى ميسسياسى – كەزەكتەن تىس پرەزيدەنت سايلاۋىنىڭ ادال ءارى  اشىق وتۋىنە،سونداي-اق سايلاۋ بارىسى جانە ودان كەيىنگى احۋالعا قوعامدىق مونيتورينگ جۇرگىزۋ.

قازىرگى تاڭدا ەلىمىز بويىنشا 10 692 باقىلاۋشى، ماڭعىستاۋ وبلىسى بويىنشا 223 تاۋەلسىز باقىلاۋشى دايىندالعان. باقىلاۋشىلاردىڭ نەگىزگى مىندەتى-سايلاۋ زاڭناماسىنا سايكەس باقىلاۋ. تاۋەلسىز باقىلاۋشىلاردىڭ جالپى قۇرامىنىڭ  40 پايىزىن جاستار، 60 پايىزىن ورتا بۋىن وكىلدەرى قۇراپ وتىر.

وڭىردەگى تاۋەلسىز باقىلاۋشىلاردى دايىنداۋ «امانات» ازاماتتىق الاڭى ارقىلى جۇرگىزىلەدى. اتقارىلعان شارالاردىڭ ناتيجەسىندە باقىلاۋشىلار ءوز قۇقىقتارى مەن مىندەتتەرىنە وقىتىلدى. «امانات» الاڭىنىڭ اتقارعان ءىس-شارالارى تۋرالى ءوڭىر تۇرعىندارىن حاباردار ەتۋدە.
         ماڭعىستاۋ وبلىسى ب ا ق وكىلدەرىنە ءوز تۇجىرىمداماسى مەن باعىتتارى جونىندە بريفينگ وتكىزىپ، باسپا ءسوز كونفەرەنسياسىن ۇيىمداستىردى.

          سونداي-اق، «امانات» ازاماتتىق الاڭى ماڭعىستاۋ وبلىسى فيليالدارى بويىنشا پارتيا كانديداتى شتابتارىنا بارىپ كەزدەسكەن بولاتىن. كەزدەسۋدىڭ ماقساتى- جاڭادان قۇرىلعان «امانات» ازاماتتىق پلاتفورماسىنىڭ تۇجىرىمداماسىنىڭ 5 نەگىزگى بىعاتتارىمەن تانىستىرۋ.
           ءبىرىنشى كەزەك  «NurOtan» پارتياسى كانديداتىنىڭ شتابىنان باستالدى. كەزدەسۋدە «NurOtan» پارتياسى موف-نىڭ ءتوراعاسىنىڭ ورىنباسارى- ەسبەرگەنوۆا زۆيرا تۇگەل قىزى جيىندا ۇگىت-ناسيحات جۇمىستارىنىڭ جۇيەلى تۇردە ءجۇرىپ جاتقاندىعىن، وبلىس تۇرعىندارىنىڭ سايلاۋ الدى باعدارلاما مەن قاجەتتى اقپاراتتارمەن قامتاماسىز ەتىلگەنىن ايتقان بولاتىن. ءوز كەزەگىندە «امانات» ازاماتتىق الاڭىنىڭ وڭىرلىك شتاب جەتەكشىسى- جالعاسباي عاليا تۇرار قىزى 9-ماۋسىم ق ر پرەزيدەنتىنىڭ سايلاۋى ءادىل ءوتۋىنىڭ ماقساتىندا شتابتىڭ باعىتى مەن الداعى ۋاقىتتا اتقارىلاتىن جۇمىستارىن تانىستىرىپ،وزەكتى بەس باعىت پەن باقىلاۋشىلاردىڭ نەگىزگى ميسسيالارىن باياندادى.
            ەكىنشى كەزدەسۋ «قازاقستان كوممۋنيستىك حالىق پارتياسى» كانديداتىنىڭ شتابى بولدى. شتاب باسشىسى- ماحامبەتوۆا روزا قارىمساق قىزى  جانە شتاب مۇشەلەرىنە الداعى سايلاۋدىڭ ەلدىڭ دامۋى ءۇشىن اسا ماڭىزدى قادامداردىڭ ءبىرى ەكەندىگى ايتىلدى.