نازىم قىزايباي، بوكستان الەم چەمپيونى:

– پرەزيدەنت سايلاۋى – ەگەمەن ەلىمىزدەگى تاريحي وقيعا. پرەزيدەنت سايلاۋىنا قىزىعۋشىلىق تانىتىپ، ءوزىنىڭ داۋىسىن بەرۋ – ءاربىر قازاقستاندىقتىڭ ازاماتتىق بورىشى. تۋعان ەلىنىڭ، تۋعان جەرىنىڭ باقىتتى بولاشاعىن ارمانداعان ءاربىر ازامات بۇل تاريحي وقيعاعا ءوزىنىڭ ازاماتتىق كوزقاراسىن تانىتىپ، ءۇنىن قوسىپ، ۇلكەن جاۋاپكەرشىلىكپەن قاراعانى ابزال.
نەگىزى، ءاربىر ازامات ءوزى ءۇشىن داۋىس بەرۋى كەرەك. تاۋەلسىز ەلىمىزدىڭ پرەزيدەنتىن سايلاۋدا قازاقستانداعى ءاربىر ازاماتتىڭ داۋىسى وتە ماڭىزدى ەكەنىن ءاربىر ازامات ۇمىتپاعانى ءجون. سەبەبى، قازاقستاندىق ءاربىر ازامات ءوزىنىڭ عانا ەمەس، سونداي-اق، وتباسىنىڭ، تۋعان ەلى مەن تۋعان جەرىنىڭ تاعدىرىنا، بولاشاعىنا بايلانىستى تاريحي تاڭداۋ جاسايدى.
ەلىمىزدىڭ تاريحي تاعدىرىن تاپسىراتىن، ەلىمىزدى ۇلى مۇراتتارعا جەتەلەيتىن پرەزيدەنتتى سايلايتىن تاريحي وقيعاعا، اسىرەسە، كەلەشەگىمىزدىڭ كىرپىشىن قالايتىن، ەلىمىزدىڭ ەرتەڭىن جالعايتىن جالىندى جاستار جاعى سەلقوس قاراماۋى قاجەت.
ەلىمىزدىڭ تاعدىرىنا بايلانىستى بۇل تاريحي ساتتە جاستاردىڭ جۇدىرىقتاي جۇمىلا پرەزيدەنت سايلاۋىندا بەلسەندىلىك پەن بىرلىك تانىتىپ، داۋىس بەرۋى جاس ۇرپاقتىڭ ادامدىق قاسيەتى، پەرزەنتتىك پارىزى سانالادى. ەلىمىزدىڭ تاريحىنداعى ماڭىزدى وقيعا بولىپ سانالاتىن پرەزيدەنت سايلاۋىنا ءبىز دە وتباسىمىزبەن بىرگە كەلىپ، داۋىس بەردىك. سەبەبى، بۇل ءبىزدىڭ دە وتان الدىنداعى بورىشىمىز.