انت قابىلداپ، قىزمەتىنە كىرىسكەن پرەزيدەنت قاسىم-جومارت توقايەۆ ۇلىقتاۋ ءراسىمى وتە سالىسىمەن ءبىرقاتار اكىمدەردىڭ قىزمەتىنە قاتىستى جارلىققا قول قويدى دەپ حابارلايدى Qamshy.kz اقپارات اگەنتتىگى تengrinews.kz سايتىنا سىلتەمە جاساپ.

"ق ر كونستيتۋسياسىنىڭ 87-بابىنىڭ 5-تارماعىنا سايكەس، نۇر-سۇلتان، الماتى، شىمكەنت قالالارىنىڭ اكىمدەرىنىڭ وكىلەتتىلىك مەرزىمى اياقتالۋىنا بايلانىستى جاڭا قاۋلىنى بەكىتەمىن:

1. اتالعان قالالاردىڭ اكىمدەرى جاڭا باسشى سايلانعانشا ءوز قىزمەتتەرىن اتقارسىن.

2. اتالعان جارلىق قول قويىلعان ۋاقىتتان باستاپ كۇشىنە ەنەدى"، - دەلىنگەن رەسمي حابارلامادا.

ق ر كونستيتۋسياسىنىڭ 87-بابىنىڭ 5-تارماعى:

"ءماسليحات دەپۋتاتتارىنىڭ جالپى سانىنىڭ كەمىندە بەستەن ءبىرىنىڭ باستاماسى بويىنشا اكىمگە سەنىمسىزدىك ءبىلدىرۋ تۋرالى ماسەلە قويىلۋى مۇمكىن. بۇل جاعدايدا ءماسليحات ءوز دەپۋتاتتارىنىڭ جالپى سانىنىڭ كوپشىلىك داۋسىمەن اكىمگە سەنىمسىزدىك بىلدىرۋگە جانە ونى قىزمەتىنەن بوساتۋ جونىندە تيىسىنشە رەسپۋبليكا پرەزيدەنتىنىڭ نە جوعارى تۇرعان اكىمنىڭ الدىنا ماسەلە قويۋعا حاقىلى. وبلىستار، رەسپۋبليكالىق ماڭىزى بار قالالار جانە استانا اكىمدەرىنىڭ وكىلەتتىگى جاڭادان سايلانعان رەسپۋبليكا پرەزيدەنتى قىزمەتىنە كىرىسكەن كەزدە توقتاتىلادى."