جاڭا مينيستر اسحات ايماعامبەتوۆ تۋرالى Qamshy.kz اقپارات اگەنتتىگى دەرەكتەر ۇسىنادى.

جاس مينيستر اسحات ايماعامبەتوۆ 1982 جىلى قاراعاندى وبلىسىندا دۇنيەگە كەلگەن. تاريحشى، تاريح ءپانىنىڭ ءمۇعالىمى ماماندىعى بويىنشا 2003 جىلى ە.بوكەتوۆ اتىنداعى قاراعاندى مەملەكەتتىك ۋنيۆەرسيتەتىنىڭ تاريح فاكۋلتەتىن بىتىرگەن. 2006 جىلى – قاراعاندى «بولاشاق» اكتۋالدى ءبىلىم بەرۋ ينستيتۋتىنىڭ زاڭ فاكۋلتەتىن «قۇقىقتانۋ» ماماندىعى بويىنشا اياقتاعان. ەۋرازيا ۇلتتىق ۋنيۆەرسيتەتىندە «ساياسي عىلىمدار» ماماندىعىندا ءبىلىم العان.

ەڭبەك جولى:

ەڭبەك جولىن 2002 جىلى ە. بوكەتوۆ اتىنداعى قاراعاندى مملەكەتتىك ۋنيۆەرسيتەتىنەن باستاعان.

2004-2005 جىلدارى «اڭسار» جاستار ليگاسى» قب ءتوراعاسى بولعان.

2005-2006 جىلدارى «مەديا سپ» ج ش س ديرەكتورى قىزمەتىن اتقارعان.

2006-2012 جىلدارى – ە. بوكەتوۆ اتىنداعى قارمۋ ساياساتتانۋ جانە الەۋمەتتانۋ كافەدراسىنىڭ وقىتۋشىسى، اعا وقىتۋشىسى، دوسەنتى رەتىندە قىزمەت ەتكەن.

2012-2014 جىلدارى نۇرا اۋدانى اكىمىنىڭ الەۋمەتتىك ماسەلەلەر جونىندەگى ورىنباسارى قىزمەتىن اتقاردى.

2014 جىلعى اقپان ايىنان باستاپ قازىرگى كۇنگە دەيىن – قاراعاندى وبلىسى ءبىلىم بەرۋ باسقارماسىنىڭ باسشىسى لاۋازىمىندا بولدى.

2017 جىلدان باستاپ ق ر ءبىلىم جانە عىلىم مينيسترلىگىندە ۆيسە-مينيستر.

2019 جىلدىڭ قاڭتار ايىنان قاراعاندى وبلىسى اكىمىنىڭ ورىنباسارى.

2003-2012 جىلدار ارالىعىندا قاراعاندى قالالىق ءماسليحاتىنىڭ III جانە  IV شاقىرىلىمدارىنىڭ دەپۋتاتى، قالا ءماسليحاتىنىڭ الەۋمەتتىك ماسەلەلەر بويىنشا تۇراقتى كوميسسياسىنىڭ ءتوراعاسى بولىپ سايلانعان.

اسقار مامين مينيسترلىككە جاڭا باسشىنى تانىستىرۋ بارىسىندا: "ءبىلىم جانە عىلىم مينيسترلىگىن جاڭا بەلەستەر كۇتىپ تۇر. ءبىلىم سالاسىن جاڭارتىپ، سۇرانىسقا يە بىلىكتى مامانداردى دايىنداپ، ءبىلىم جانە عىلىم مينسترلىگىنىڭ ساپالى جۇيەسىن دامىتۋ كەرەك. جاڭادان تاعايىندالىپ وتىرعان اسحات ايماعامبەتوۆ ءبىلىم سالاسىندا تاجىريبەسى بار، بىلىكتى مامان"، - دەپ اتاپ ءوتتى.