بەلگىلى ينۆەستور، قوعام بەلسەندىسى مارعۇلان سەيسەمباي قوعامدىق سەنىم كەڭەسىن قۇرۋعا بايلانىستى ايتقان پىكىرىمەن كەلىسپەيتىندەرگە تۇسىنىكتەمە بەردى دەپ جازادى Qamshy.kz اقپارات اگەنتتىگى. 

بۇل تۋرالى ول ءوزىنىڭ facebook پاراقشاسىندا جازدى.

"دوستار، مەنىڭ كەشەگى پوستىما جازعان كوممەنتارييلەرىڭىزدى وقىپ شىقتىم. وكىنىشكە وراي، نەگىزگى قالدىرعان جازبالارىڭىز - بيلىك بۇعان بارمايدى، نەگاتيۆتى ويلار، مەنى اڭقاۋ دەپ تانۋ، كەپىلدىكتەردى جانە ت.ب. تالاپ ەتتى. سوعان بايلانىستى تۇسىنىكتەمە بەرگىم كەلەدى.

بىرىنشىدەن، ءقازىر بيلىك ءبىزدiڭ ايتقان ءسوزiمiزدەن شىقپايدى، ايتقاننىڭ ءبارiن ورىندايدى دەپ ويلايتىن مەن سونشالىقتى اڭقاۋ ەمەسپىن. ەگەر ولار وسى تىعىرىقتان شىعۋ ءۇشiن ايتىلعان قادامداردى جاساسا، بۇل وتە كۇردەلى جانە باعالانبايتىن ۇدەرiس بولماق. بۇل ۇدەرiس كەزiندە ءالi تالاي كەلىسسوز جۇرگىزەتىن قاتىسۋشىلارى اراسىندا تۇسىنىسپەۋشىلىك پەن نارازىلىق بولادى. بيلiكتەگiلەر ءالi تالاي قورقىتىپ، بوپسالايدى، راديكالدار بiزدi تالاي "بيلiككە ساتىلىپ كەتتi" دەپ كiءنالايدى. وعان دا دايىن بولۋ كەرەك. بۇنىڭ ءبارiن ءتۇسiنە وتىرىپ قانشا قيىن بولسا دا بۇل جولدان تايماۋ كەرەك دەپ ويلايمىن.

ەكىنشىدەن، ولار مەنى دە الداي الادى. مەنى ومىردە ادامدار كوپ رەت الدادى، سوندىقتان مەن ءوزىمدى باسقا تاراپتىڭ ويلارىن وقي الاتىنداي سونشالىقتى مىقتى دەپ ساناي المايمىن.

ۇشىنشىدەن، ءوز اقىلىڭىزبەن ءومىر ءسۇرىڭىز. ماعان سوقىر سەنۋدىڭ قاجەتى جوق. سەنىم - ول ءسىزدىڭ سىني ويلاۋىڭىزدى دوعارۋ كەرەك دەگەندى بىلدىرمەيدى. بارلىعىنا كۇمان كەلتىرىڭىز.

تورتىنشىدەن، مەن تەك قانا ءبارىن بارىنشا اشىق تۇردە جاساۋعا ۋادە بەرە الامىن جانە تىرىسامىن. مەن ۇدەرiستiڭ اشىقتىعى ءۇشىن جاۋاپ بەرە الامىن، ءبىراق مەن ناتيجەگە كەپىلدىك بەرە المايمىن. راديكالدى الاڭعا شىعۋشىلارعا مەنiڭ قارسى سۇراعىم بار:"سەندەر الاڭعا شىعىپ كوتەرiلiس جاساعاندا ونىڭ قانسىز وتەتiنiنە كەپiل بەرە الاسىڭدار ما؟". سiز دە، مەن دە بۇل جاعدايدا ەشقانداي كەپiل بەرە المايمىز، بiراق ەندi امال ارەكەت جاساماي وتىرۋىمىز كەرەك پە؟

بەسىنشىدەن، مەن جەڭiسكە جەتۋدiڭ مۇمكىندىگىنiڭ ازدىعىنا قاراماستان، بۇنىمەن اينالىسامىن. مەن بارلىق ساياسي وزگەرىستەر بەيبىت جولىمەن بولۋى ءۇشىن قولىمنان كەلگەنىڭ ءبارىن جاسايمىن.

التىنشىدان، مەن دە ءبارىن بىردەن بولعانىن قالايمىن، ءبىراق مەن رەاليست بولعاندىقتان، ارتقا شەگiنبەيتiندەي، ءبارى بىرتىندەپ جانە ۇدەمەلى تۇردە بولعانىن قالايمىن.

جەتىنشىدەن، قاۋىپسىزدىك جەردە وتىرىپ، ءوزىڭ ەشتەڭە بiتiرمەي، ءوز سوزدەرىڭ ءۇشiن جانە سول سوزدەردەن كەيىن بولاتىن زارداپتارعا جاۋاپتى بولماي، اقىلدى دا جاقسى بولۋ وڭاي.

سوندىقتان تاعى دا بارلىق سەنبەيتىندەرگە ايتاتىنىم - ءسوز ەمەس، ارەكەتتەرگە سەنىڭىز. ميلارىڭىزدى وشىرمەڭىزدەر. ءوز-وزiڭiزگە ءپىر جاساماڭىز. امال ارەكەت جاساڭىز. ءوز ءومىرىڭىز ءۇشىن جاۋاپكەرشىلىكتi ءوز موينىڭىزعا الىڭىز، سوندا ەشقاشان تۇڭىلمەيسiز.

PS. بiز بiرiنشi جەڭiستەردەن ەيفوريادامىز. ءبىز بيلىكتىڭ كۇشىن قاتتى باعالامايمىز. جۇڭگو سوعىس ونەرىندە : «دۇشپانداردى ەشقاشان جەتە باعالاماڭىز، ال وداقتاستاردى اسىرا باعالاماڭىز" دەگەن ءسوز بار"، - دەدى سەيسامباي ءوز جازباسىندا.