قالا اكىمى ورتالىقتاردا ورنالاسقان قالالىق جاعاجايلار مەن ساياباقتاردىڭ جاعدايىن تەكسەردى، دەپ حابارلايدى اتىراۋ قالاسى اكىمدىگىنىڭ باسپا ءسوز قىزمەتى.
بۇگىنگى كۇندە اتىراۋ قالاسىنىڭ مەنشىگىندە 7 قالالىق جاعاجاي، ونىڭ 6-ى وبلىس ورتالىعىندا ورنالاسسا، بىرەۋى گەولوگ اۋىلدىق وكرۋگىندە. بۇگىندە سانيتارلىق جانە اۋماعىن تازالاۋ جۇمىستارى باستالدى. شومىلۋ ماۋسىمىنا دەيىن جاعاجايلار تولىق دايىن بولادى دەپ كۇتىلۋدە.
"اتىراۋداعى شومىلۋ ماۋسىمى بەلگىلەنگەن ۋاقىتتا اشىلۋى ءتيىس. جاعاجاي اۋماعى قوقىستار مەن شىنىلاردان تولىق تازارتىلۋى قاجەت. قالا تۇرعىندارىنىڭ جازعى دەمالىسىنا ەشتەنە بوگەت بولماۋى كەرەك. سونىڭ ىشىندە، كىشكەنتاي بالالار جازعى دەمالىسىن ءوز قالاسىندا مۇمكىندىگىنشە قولايلى وتكىزۋى ءۇشىن جاعداي جاساۋىمىز كەرەك"، - دەيدى اليمۇحاممەد قۇتتىمۇرات ۇلى قول استىنداعىلارىنا.
سونداي-اق، قالا اكىمى قالالىق ساياباقتار مەن الاڭداردى تەكسەردى. اتاپ ايتقاندا، اتىراۋ اكىمى مادەنيەت جانە دەمالىس ورىندارىن كوگالداندىرۋ بويىنشا جۇمىستار جۇرگىزىلىپ جاتقان رەترو-پارككە باردى. جاقىن ارادا ساياباق «تراۆا ۋ دوما» ءجشس-نىڭ سەنىمدى باسقارۋىنا بەرىلگەن بولاتىن. مەكەمە 10 جىل ىشىندە باپتاۋ جانە كوگالداندىرۋ جۇمىستارىمەن اينالىسادى.
"ەڭ الدىمەن، رەترو پاركتە سۋبۇرقاقتار مەن سۋارۋ جۇيەلەرىنىڭ جۇمىسىن جوسپارلاۋ قاجەت، وتىرعىزىلعان وسىمدىكتەر مەن اعاشتار جازعى كەزەڭدە جوعارى تەمپەراتۋراعا سايكەس سۋارىلۋ كەرەك. بۇل جەردى گۇلدەنگەن وازيسكە اينالدىرۋ كەرەك"، - دەيدى قالا اكىمى رەترو پاركتىڭ باسشىسى تاتيانا تەگايعا.
ايتا كەتۋ كەرەك، بۇگىندە اتىراۋدا قالانى كوگالداندىرۋ بويىنشا ءمجا جوباسى اياسىندا 16 ساياباق جانە الاڭ، سونداي-اق وبلىس ورتالىعىنىڭ 39 كوشەسى قالپىنا كەلتىرىلگەن. بۇدان باسقا، اتىراۋداعى التى الاڭعا 9 جاڭا سۋبۇرقاق سالۋ بويىنشا قۇرىلىس جۇمىستارى جۇرگىزىلۋدە.
