براكونەرلەردىڭ قولىنان مەرت بولعان «وحوتزووپروم» ءوب» رمقك ينسپەكتورى ەرلان نۇرعالييەۆتىڭ تانىمال بولعان سۋرەتىنىڭ جانىندا ونىڭ ۇلى مەن نەمەرەسى سۋرەتكە ءتۇستى دەپ حابارلايدى Qamshy.kz اقپارات اگەنتتىگى.

سۋرەتتى ق ر اشم ورمان شارۋاشىلىعى جانە جانۋارلار دۇنيەسى كوميتەتىنىڭ باسپا ءسوز حاتشىسى ساكەن دىلداحمەت Facebook-تەگى پاراقشاسىندا جاريالادى.

«ءۇش ۇرپاق. سۋرەتتە باتىر ەرلان نۇرعالييەۆتىڭ ۇلى مەن نەمەرەسى»، - دەپ جازدى ساكەن دىلداحمەت.

ەستەرىڭىزگە سالا كەتەيىك،  «وحوتزووپروم» ءوب» رمقك ينسپەكتورلارى ەرلان نۇرعالييەۆ پەن پەتر نيسىك قاراعاندى وبلىسىنىڭ نۇرا اۋدانىنىڭ اۋماعىنا رەيد جۇرگىزۋ بارىسىندا اتىپ الىنعان 5 كيىكتى تاۋىپ، ونى اتقان ادامداردىڭ ىزىنە تۇسكەن. ينسپەكتور ەرلان نۇرعالييەۆ اقبوكەندەردى قورعاۋ بويىنشا ءىس-شارالاردى جۇرگىزۋ بارىسىندا براكونەرلەردىڭ قولىنان اۋىر جاراقات الىپ، كوز جۇمعان بولاتىن.

ەرلان نۇرعالييەۆتىڭ سىن ساعاتتى ەرلىگى حالىقتى دا، حالىق قالاۋلىلارىن دا بەي-جاي قالدىرعان جوق. ءماجىلىس دەپۋتاتتارى ينسپەكتور ەرلان نۇرعالييەۆكە "حالىق قاھارمانى" اتاعىن بەرۋدى ۇسىندى. 

حالىقتىڭ دا، حالىق قالاۋلىلارىنىڭ دا ءوتىنىشى ورىندالىپ، مارقۇم ەرلان نۇرعالييەۆ پەن پەتر نيسىكقا ءىىى دارەجەلى «بارىس» وردەنى بەرىلدى.