رەسەيدەگى تانىمال مۇسىلمان، ءدىنتانۋشى شاميل الياۋتدينوۆ قازاقستانداعى ەرەۋىلدەر تۋرالى پىكىر ءبىلدىردى دەپ جازادى Qamshy.kz اقپارات اگەنتتىگى. 16 ماۋسىمدا ءوزىنىڭ ايەلىمەن نۇر-سۇلتاندا سەمينار وتكىزدى. 

"مەن ەرەۋىلدەر بولىپ جاتقانىن ەستىگەن كەزدە بىرنەشە ماڭىزدى پىكىر ايتتىم. ءار ادام ءوزىن باعالاي ءبىلۋى كەرەك. بيلىكتە وتىرعاندارعا كۇيە جاعىپ، بارلىعىن كىنالاۋدى دوعارۋ كەرەك. كەز كەلگەن وزگەرىستىڭ جوعارىدان ەمەس، تومەننەن باستالاتىنىن ءتۇسىنۋ كەرەك. سونداي-اق وزگەرىس باس كوتەرۋلەر مەن ەرەۋىلدەر ارقىلى شەشۋگە بولمايدى. ەشتەڭە ءومىر باقي ءبىر ورىندا قالمايتىنى بەلگىلى. وزگەرىس ءبىزدىڭ كۇندەلىكتى ومىرىمىزدەن، جاقسى ادەت قالىپتاستىرۋدان باستاۋ الادى"، دەيدى رەسەيلىك ءدىنتانۋشى. 

"ەرەۋىلگە شىعىپ ايعايعا باسقاندار، كەيىن ءوزىنىڭ سىراسىن نەمەسە شىرىنىن ءىشىپ، تەمەكىسىن شەگەدى. ءتىپتى كەيبىرى "مەنى قايدان كورسەتىپ جاتىر ەكەن" دەپ تەلەديداردىڭ الدىندا، جۇمىسسىز وتىرادى. ولار وزگەرە المايدى جانە ەشتەڭەنى وزگەرتە المايدى. تەك ەرەۋىلدىڭ بولۋىنا ءوز "ۇلەسىن" قوسىپ، وزگە ادامداردىڭ ماقساتىن ورىنداۋعا كومەكتەسەدى. ەرەۋىلدە ايعايلاعاندار — شىن مانىندە رۋحاني كەدەي. ولار باسقالاردى كىنالاۋدى عانا بىلەدى"، - دەپ پىكىر ءبىلدىردى شاميل الياۋتدينوۆ. 

سونداي-اق رەسەيلىك ءدىنتانۋشى جاقىن ارادا ەرەۋىلگە شىعاتىن قازاقستاندىقتاردىڭ سانى ازايادى دەپ ۇمىتتەنەتىنىن ايتتى.