قازاقستاننىڭ ءبىلىم جانە عىلىم مينيسترلىگى جەمقورلىقپەن كۇرەس ستراتەگياسىن قايتا قاراستىرىپ جاتىر. بۇل تۋرالى ۆەدومستۆونىڭ جاڭا باسشىسى اسحات ايماعامبەتوۆ ايتتى دەپ حابارلايدى Qamshy.kz اقپارات اگەنتتىگى Sputnik قازاقستان تىلشىسىنە سىلتەمە جاساپ.
ايماعامبەتوۆ جەمقورلىققا قارسى كۇرەس مينيسترلىك جۇمىسىنىڭ باسىم باعىتتارىنىڭ ءبىرى ەكەنىن اتاپ ءوتتى.
"ءبىز ءقازىر جوبالىق كەڭسە اشۋدى جوسپارلاپ وتىرمىز. وندا جەمقورلىقتى جويۋ باعىتىندا ناقتى شارالار قابىلدانادى. بۇعان قوسا، بارلىق قۇقىقتىق اكتىگە، رەتتەلمەگەن ماسەلەلەرگە تالداۋ جۇرگىزەمىز"، - دەدى ول ۇكىمەت ۇيىندە وتكەن باسپا ءسوز ءماسليحاتىندا.
سونىمەن قاتار، ءمينيستردىڭ ايتۋىنشا، مونيتورينگ جاسايتىن ارنايى توپتار قۇرىلادى. ونىڭ قۇرامىنا ب ا ق، ۇكىمەتتىك ەمەس ۇيىمدار مەن جۇرتشىلىق وكىلدەرى كىرمەك.
"مەن جاڭا مينيستر رەتىندە مۇنىڭ ماڭىزدى ماسەلە ەكەنىن تۇسىنەمىن. بۇعان قوسا، ءبىز ءقازىر جەمقورلىقپەن كۇرەس ستراتەگياسىن قايتا قاراستىرىپ جاتىرمىز. ماڭىزدىسى ۇستاپ العاننان كەيىنگىسى ەمەس. ماسەلە نورماتيۆتىك قۇقىقتىق كەمشىلىكتەردە بولىپ تۇر. بۇل كەمشىلىكتەر كوپ جاعدايدا سىبايلاس جەمقورلىق قىلمىسىنا سەبەپ بولىپ جاتادى"، - دەپ ءتۇسىندىردى ايماعامبەتوۆ.
پىكىر قالدىرۋ