اتىراۋدا العاش رەت وتكەن پارابيدەن (ارباداعى بي) ەل بىرىنشىلىگىنە ەلىمىزدىڭ تۇكپىر-تۇكپىرىنەن 26 جۇپ قاتىسىپ، “اتىراۋ” دەنە شىنىقتىرۋ كەشەنىندە ونەر كورسەتتى. ءسويتىپ، ءدۇيىم جۇرتتىڭ الدىندا مۇمكىندىكتەرى شەكتەۋلى بولعانىمەن، قۇلشىنىستارى شەكسىز ەكەنىن تاعى ءبىر رەت دالەلدەگەندەي بولدى.

راسىمەن دە، بي – قامكوڭىل جاندار ءۇشىن تاپتىرماس مۇمكىندىك. سول بي ارقىلى ولار كوپشىلىك نازارىن وزدەرىنە اۋدارتىپ، قوعامعا قاجەت ەكەندىكتەرىن، ءار قادام سايىن كەزدەسەتىن قىزىقتار مەن قيىندىقتاردى بارىنشا جەتكىزە الدى.

سونداي-اق، چەمپيونات اياسىندا حالىقارالىق بي سپورتى بويىنشا «ەۆرازيا-2019» ءتۋرنيرى ۇيىمداستىرىلدى. وسى ورايدا، قوس شارانى دا «اەليتا» بي كلۋبى وتكىزىپ وتىرعانىن ايتا كەتكەن ءجون.

جارىس قورىتىندىسىمەن ءتۇرلى نوميناسيالار ءوز جەڭىمپازدارىن تاپتى. ولارعا ارنايى ديپلومدار مەن ەستەلىك سىيلىقتار تابىستالدى.

– ءار ءتۇرلى وڭىرلەردە وسىنداي جارىس وتكىزۋ ارقىلى ەرەكشكە قاجەتتىلىكتەرى بار ادامداردى وڭالتۋعا بولادى. بۇل ق ر تۇڭعىش پرەزيدەنتىنىڭ كەدەرگىسىز ورتا قۇرۋ تۋرالى تاپسىرماسىنىڭ مونيتورينگى بولىپ تابىلادى. حالىقارالىق تۋرنيرگە قاتىسۋ ءۇشىن ەڭ جاقسى پاراسپورتشىلار ىرىكتەلىنىپ الىندى. مۇمكىندىگى شەكتەۋلى جانداردى وڭالتۋعا كوپ كوڭىل ءبولۋ كەرەك. وبلىستىق جانە قالالىق دەڭگەيدە سپورتتىق ءبيدى دامىتۋ قاجەت. وسىنداي جارىستى وتكىزۋ مۇنايلى استانامىزدىڭ تاريحىندا ماڭىزدى ءىس-شارا بولاتىنىنا سەنىم مول. بۇل جەرگىلىكتى مادەنيەت سالاسى مەن سپورتتىق ءبيدىڭ دامۋىنا وڭ اسەر ەتپەك، – دەيدى ۇيىمداستىرۋشىلار.