پەدوفيلدىڭ قۇربانى بولعان 16 جاستاعى قىز وز-وزىنە قول سالدى دەپ جازادى Qamshy.kz اقپارات اگەنتتىگى ەۋرازيا ءبىرىنشى ارناسىنىڭ دەرەگىن نەگىزگە الىپ. بويجەتكەننىڭ مۇنداي قادامعا بارۋىنا ءوزىن زورلاماق بولعان جىگىتكە قاتىستى قىلمىستىق ءىستىڭ توقتاتىلۋى سەبەپ بولعان.  

16 جاستاعى قىز 9 ماۋسىمدا سۋيسيد جاسادى. ءۇش كۇننەن سوڭ قايتىس بولدى. سودان بەرى قايعىدان قان جۇتقان اناسى كۇندىز كۇلكىدەن، تۇندە ۇيقىدان ايىرىلعان. ءبارى وتكەن جىلدىڭ قىركۇيەك ايىنان باستالىپتى. قىزىن تۋعان كۇنگە شاقىرعان 19-داعى تانىس جىگىتى ونى زورلاۋعا ارەكەتتەنگەن. ەڭ سوراقىسى، الگى جىگىت ەستراداعا ەندى-ەندى قادام باسىپ جاتقان جاس ءانشى كورىنەدى.

"بالامدى قورعاي الماي قالدىم. سىزدەر ءبىزدى قالاي قورلاعاندى بىلمەيسىزدەر دە. قىزىم بولعان جاعدايدى بايانداپ بەرگەندە، مەن ءوزىمدى قالاي سەزىنگەنىمدى سىزدەرگە ايتىپ جەتكىزە المايمىن. سول جىگىتى قىزىمدى جەدەلساتىعا كۇشتەپ اپارىپ، زورلاماق بولعان. ءبىراق، ول قارسىلاسىپ، ەبىن تاۋىپ قاشىپ كەتكەن" ، - دەدى مارقۇم قىزدىڭ اناسى ءاليا ورازبايەۆا.

بۇل جاعدايدان كەيىن ءجاسوسپىرىم ۇلكەن كۇيزەلىسكە ۇشىراعان. اناسىنىڭ شاعىم تۇسىرەيىك دەگەن ۇندنەۋىنە ول "جامانتتى بولمايىق" دەپ قارسىلىق تانىتقان. ءبىراق، بالاسىنىڭ ابىرويىن توكپەك بولعان جىگىتتىڭ ىسىنە شامدانعان اناسى ايتقانىنان قايتپاي قويعان.

"قىلمىستىق كودەكستىڭ 122ء-شى بابى بويىنشا ءىس قوزعالدى. ياعني، قىز بەن جىگىتتىڭ اراسىندا ءبارى ءوزارا كەلىسىممەن بولعان دەگەندى مەڭزەيدى. مۇنى قالاي تۇسىنۋگە بولادى؟ قىز تەرگەۋشىلەرگە بەرگەن تۇسىنىكتەمەسىندە ونىڭ ۋىسىنان سىتىلىپ شىعۋ ءۇشىن قالاي جانتالاسقانىن ايتىپ بەرگەن. ال جىگىت بولسا ونى ليفتىدەن شىعارماۋعا تىرىسقان" ، - دەدى "نە مولچي KZ" قوعامدىق ۇيىمىنىڭ جەتەكشىسى دينا سمايلوۆا.

الايدا وقيعاعا قاتىستى قوزعالعان قىلمىستىق ءىس تىم ۇزاققا سوزىلىپ، اقىر-سوڭى جابىلىپ تىنعان. ءىستىڭ جابىلعانىن ەستىپ، ابدەن قورلانىپ، جۇيكەسى سىر بەرگەن ءجاسوسپىرىم الماتى وبلىسىنىڭ اۋماعىندا وز-وزىنە قول سالعان. وسىدان كەيىن ايماق پوليسەيلەرى باسقا باپ بويىنشا ءىستى قايتا اشىپتى.

"كامەلەتتىك جاسقا تولماعان قىزدىڭ قايتىس بولۋىنا بايلانىستى قىلمىستىق ءىس قوزعالدى. قازىرگى ۋاقىتتا وسى دەرەككە قاتىستى قىلمىستىق كودەكستىڭ 105 بابىنا سايكەس، ءوز-وزىن ولتىرۋگە جەتكىزۋ دەرەگى بويىنشا سوتقا دەيىنگى تەرگەۋ امالدارىمەن، ىلە اۋداندىق پوليسياسى اينالىسۋدا. ايتا كەتۋ كەرەك الماتى وبلىستىق پوليسيا دەپارتامەنتى وسى تەرگەۋ ءىسىن ءوز باقىلاۋىنا الدى" ، - دەدى الماتى وبلىستىق پوليسيا دەپارتامەنتىنىڭ رەسمي وكىلى سەرىك ۇپييەۆ.