قىزىلوردالىقتار ارىستاعى وقيعادان زارداپ شەككەندەرگە گۋمانيتارلىق كومەك جىبەردى دەپ حابارلايدى Qamshy.kz اقپارات اگەنتتىگى قىزىلوردا وبلىسى اكىمدىگىنىڭ باسپا ءسوز قىزمەتىنە سىلتەمە جاساپ.  

ازىق-تۇلىك جانە باسقا دا قاجەتتى زاتتارمەن اۆتوكولىكتەر ارىس قالاسىنا جولعا شىقتى.

تۇركىستان وبلىسى ارىس قالاسىنىڭ اسكەري بولىمىندەگى توتەنشە جاعدايعا بايلانىستى قىزىلوردا وبلىسىنان 15 توننا كۇرىش، 10 توننا ۇن، 5 توننا قاراقۇمىق جانە 1،5 توننا ءسۇت تۇرىندە ءوز كومەگىن جىبەردى. اتالمىش كۇرىشپەن وبلىستاعى "ابزال ي ك" جك، "اقتوبە ي ك" ج ش س، "اباي داۋلەت" ج ش س، "جان اراي" ج ش س، "اقجارما 2" شق، "جاڭاجول" ج ش س، "اقجارما ي ك" فق، "اقمايا" شق، "توڭكەرىس ك" شق، "سىر مارجانى" جانە "تۇگىسكەن تش" ج ش س اۋىلشارۋىشىلىق تاۋار وندىرۋشىلەرى قامتاماسىز ەتتى.   

"بۇل-قىزىلوردالىقتاردىڭ ارىستاعى اعايىندارى ءۇشىن ءبىر ءتۇن ىشىندە جيناعان گۋمانيتارلىق كومەگى. ءبىراق جۇمىس ءالى جالعاسۋدا، وبلىس اكىمى جانىنان جەدەل شتاب قۇرىلدى، ول زارداپ شەككەن تۇرعىندارعا گۋمانيتارلىق كومەك كورسەتۋدى ۇيىمداستىرۋمەن اينالىسادى. سونىمەن قاتار، "Nur Otan" پارتياسىنىڭ وبلىستىق فيليالىندا ارىس تۇرعىندارىنا كومەك قابىلداۋ پۋنكتى اشىلدى. الداعى كۇندەرى تاعى دا وسىنداي كومەك تۇرلەرىن ۇيىمداستىرۋدى جوسپارلاپ وتىرمىز. مەنىڭ ويىمشا، بۇل زارداپ شەككەندەردى قولداۋ ءۇشىن جينالعان قازاق حالقىنىڭ بىرلىگىنىڭ دالەلى"، - دەدى "Nur Otan" پارتياسى وبلىستىق فيليالى ءتوراعاسىنىڭ ورىنباسارى ەرجان بايتىلەس.

سونىمەن قاتار، جەرگىلىكتى اتقارۋشى ورگانداردىڭ 2000-نان استام مەملەكەتتىك قىزمەتشىسى جارىلىستان زارداپ شەككەندەرگە ءبىر كۇندىك جالاقىسىن اۋدارماق. وسى وقيعاعا بايلانىستى توقتاتىلعان 5 پويىزدىڭ 1200 جولاۋشىسىنا جاردەم بەرىلدى. ولارعا ىستىق تاماق پەن سۋسىندار جەتكىزىلىپ، 15 جولاۋشىعا مەديسينالىق كومەك كورسەتىلدى. سونداي-اق، جولاۋشىلاردى جەتكىزۋ پۋنكتتەرىنە تاسىمالداۋ ءۇشىن كولىك ۇيىمداستىرىلدى.