شىمكەنت تەمىرجول اۋرۋحاناسىنىڭ تەراپيا بولىمىنە  ارىس قالاسىندا بولعان توتەنشە جاعداي سالدارىنان زارداپ شەككەن 50  ادام ورنالاستىرىلدى دەپ جازادى Qamshy.kz اقپارات اگەنتتىگى. بۇل تۋرالى  شىمكەنت تەمىرجول اۋرۋحاناسىنىڭ ديرەكتورى جادىرا اگيشانوۆا حابارلادى. 

–دارىگەردىڭ قاداعالاۋىن قاجەت ەتكەن ادامداردىڭ باسىم بولىگى  انالار مەن بالالار، قان قىسىمى  جانە دەنە قىزۋى كوتەرىلگەن ارىس قالاسىنىڭ تۇرعىندارى. اتاپ ايتقاندا،  اياعى اۋىر  3 كەلىنشەك، ونىڭ ءبىرىنىڭ ايى-كۇنى كەلىپ وتىرعان كوپ بالالى انا، 14 جاسقا دەيىنگى 17 بالا،  ءبىرى – بەس ايلىق ءسابي.  ودان بولەك،  اۋرۋحانا ماماندارى تەمىرجول ۆوكزالىندا،  ورتالىق مەشىتتە جانە 56 مەكتەپتە  شوعىرلانعان حالىققا العاشقى مەديسينالىق كومەك كورسەتۋدە.  جالپىعا ورتاق ماسەلە قۇجاتتارىنىڭ جانە مەديسينالىق، الماسۋ كارتالارىنىڭ بولماۋى.

ەكى كۇن ىشىندە  500-گە جۋىق تۇرعىن   دارىگەردىڭ كومەگىنە  جۇگىنىپ، ونىڭ 200-گە جۋىعىنا شىمكەنت تەمىرجول اۋرۋحاناسىنىڭ ماماندارى دارى-دارمەكپەن قامتاماسىز ەتىپ، ءوز باقىلاۋىنا الدى.  قان قىسىمىنىڭ كوتەرىلۋى، قان قۇرامىنداع قانت مولشەرىنىڭ ارتۋى، بالالاردا اۋىز قۋىسىنىڭ  شىرىشتى قاباتىنىڭ قابىنۋى، دەنە تەمپەراتۋراسىنىڭ كوتەرىلۋى سىندى بەلگىلەر كەزدەسۋدە.  سونداي-اق  گيگيەنالىق قۇرالدارمەن،  قاجەت كيىم-كەشەكپەن  جانە     تاماقپەن قامتاماسىز ەتۋ ماسەلەسى باستى نازاردا، - دەيدى شىمكەنت تەمىرجول اۋرۋحاناسىنىڭ ديرەكتورى جادىرا اگيشانوۆا.

.