شىمكەنتتەگى "بەكجان" بازارىنىڭ ماڭىنان باستالعان ارىس تۇرعىندارىنىڭ نارازىلىعى ءالى جالعاسىپ جاتىر دەپ جازادى Qamshy.kz اقپارات اگەنتتىگى.
"ارىسقا ەندى بارمايمىز، بىزگە باسقا جەردەن ءۇي بەرىلسىن" دەپ تالاپ قويعان نارازىلاردىمەن سويلەسۋگە يسلام ءدىنىنىڭ ۋاعىزداۋشىلارى ابدۋعاپپار سمانوۆ پەن ارمان قۋانىشبايەۆ كەلدى. ولار نارازى توپتى سابىرعا شاقىرىپ، ۇيلەرىنە تاراۋعا شاقىردى.
نارازى حالىق بۇعان دەيىن دە ارىستاعى ءوق-دارى قويماسىندا ءۇش رەت جارىلىس بولعانىن، ەندى ارىسقا تاعى كوشىپ بارسا، جارىلىستىڭ بولمايتىنىنا ەشكىم كەپىلدىك بولمايتىنىن ايتتى.
سمانوۆ جارىلىستىڭ بولۋ-بولماۋىن ءبىر اللا بىلەتىن، ءبىراق ۇكىمەتتە ەندى جارىلىسقا جول بەرە قويمايتىنىن ايتتى.
"... ونىڭ جارىلاتىنان يا جارىلمايتىنىن جالعىز اللا بىلەدى. ءبىراق ەندى ۇكىمەتتىڭ دە كوزى اشىلدى. ۇكىمەت مۇنىڭ (رەد ء-وق-دارىنىڭ) ءقاۋىپتى ەكەنىن كوردى. بۇدان كەيىن ەندى ولاردا بۇعان بارعىزبايدى"، - دەدى سمانوۆ.
ال ارمان قۋانىشبايەۆ نارازى توپتى بيلىك وكىلدەرىنىڭ بەرىپ جاتقان ۋادەسىنە سەنۋگە شاقىردى.
"ءبىز سىزدەرمەن بىرگەمىز، باۋىرلار! سوزبەن ەمەس ىسپەن دە دالەلدەپ جاتىرمىز. ۇكىمەتتە ءسىز بەن ءبىزدىڭ بالالارىمىز. كەشە عانا پرەزيدەنت توقايەۆ كەلىپ "ارنايى كومميسيا قۇرامىن، ءبارىن شەشىپ بەرەمىن" دەپ ايتتى عوي. ول كەشە عانا پرەزيدەنت بولعان ادام. ۋاقىت بەرەيىك"، - دەدى قۋانىشبايەۆ.
نارازىلار سمانوۆ پەن قۋانىشبايەۆتىڭ بۇل ايتقاندارىنا قۇلاق اسقان جوق.
بۇگىن، ياعني، 27 ماۋسىمدا ساعات 11.00 شاماسىندا "اقمەشىت" مەشىتى الدىنداعى تەمىرلان كوشەسىن ارىس تۇرعىندارى جاپقان. نارازىلار "وزدەرىن ءتورت رەت جارىلىس بولعان ارىس قالاسىنان باسقا جاققا كوشىرۋدى، ءۇي نە جەر بەرۋدى" دەپ تالاپ ەتتى. نارازى جۇرتقا تۇركىستان وبلىسىنىڭ اكىمى ءومىرزاق شوكەيەۆ پەن شىمكەنت اكىمى عابيدوللا ءابدىراحىموۆ كەلىپ، مەشىت ىشىندە كەزدەسۋ وتكىزدى. ءابدىراحىموۆ نارازىلارعا "شىمكەنتتە باسپانا كەزەگىندە 150 مىڭ ادام تۇر، تاراتاتىن ءۇي جوق" دەپ جاۋاپ بەردى.
پىكىر قالدىرۋ