شىمكەنت قالاسى پوليسيا دەپارتامەنتىنىڭ باسشىسى ەرالى جۇماxانبەتوۆ جۋرناليستەرگە بەرگەن سۇحباتىندا 27 ماۋسىمدا شىمكەنتتە بولعان ارىس تۇرعىندارىنىڭ نارازىلىعى كەزىندە ءتارتىپ بۇزىلماعانىن ايتتى دەپ جازادى Qamshy.kz اقپارات اگەنتتىگى. 

ەرالى جۇماحانبەتوۆتىڭ ايتۋىنشا، جەرگىلىكتى تۇرعىنداردان پوليسياعا ارىز تۇسكەن. وندا شەرۋشىلەر ارالارىندا ارانداتۋشىلاردىڭ بولۋى مۇمكىن ەكەنىن ايتقان. پوليسيا قىزمەتكەرلەرى نارازىلىققا شىققان توپتىڭ باسى-قاسىندا جۇرگەنىنىڭ تاعى ءبىر ماقساتىن وسىلاي ءتۇسىندىردى. 

"ءبارى ويداعىداي ءوتتى. ەشقانداي ءتارتىپ بۇزۋ بولعان جوق. ەشكىم — ەشكىمدى ۇرعان جوق، ەشكىم — ەشكىمگە تيىسكەن جوق. ارىس تۇرعىندارى بىزگە "كوشەمەن جۇرەمىز، ءتارتىپ بۇزبايمىز، ءبىراق ارانداتۋشىلار بولۋى مۇمكىن، كومەكتەسىڭىزدەر" دەپ الدىن الا ەسكەرتتى. وسىدان سوڭ، ءبىز الاڭعا كەلدىك. جاراقات العاندار دا بولمادى. نارازىلىققا شىققان توپ وكىلدەرىنە دە راحمەت، ولار ۋادەلەرىندە تۇرىپ، تىنىش قانا جولمەن ءجۇرىپ ءوتتى. ولار جاعدايىن ايتىپ، پلاكاتتارعا «ارىس كومەك»، — دەپ جازىپ ءجۇردى، بولدى عوي"، — دەدى جۇماحامبەتوۆ.

بۇگىن، ياعني، 27 ماۋسىمدا ساعات 11.00 شاماسىندا "اقمەشىت" مەشىتى الدىنداعى تەمىرلان كوشەسىن ارىس تۇرعىندارى جاپقان. نارازىلار وزدەرىن ءتورت رەت جارىلىس بولعان ارىس قالاسىنان باسقا جاققا كوشىرۋدى، ءۇي بەرۋدى تالاپ ەتتى. نارازى جۇرتقا تۇركىستان وبلىسىنىڭ اكىمى ءومىرزاق شوكەيەۆ پەن شىمكەنت اكىمى عابيدوللا ءابدىراحىموۆ كەلىپ، مەشىت ىشىندە كەزدەسۋ وتكىزدى. ءابدىراحىموۆ نارازىلارعا "شىمكەنتتە باسپانا كەزەگىندە 150 مىڭ ادام تۇر، تاراتاتىن ءۇي جوق" دەپ جاۋاپ بەردى.

نارازى تۇرعىندار مەشىت ىشىنەن شىعىپ، شىمكەنتتىڭ ورتالىق الاڭىنا بەت الدى. ول جاقتا دا نارازىدلاردى بيلىك وكىلدەرى تارقاتا المادى. 

"ارىسقا بارمايمىز، بىزگە باسقا جاقتان ءۇي نەمەسە جەر بەرسىن" دەپ ۇرانداتقان شەرۋشىلەرمەن سويلەسۋگە يسلام ءدىنىن ۋاعىزداۋشى ابدۋعاپپار سمانوۆ پەن ارمان قۋانىشبايەۆ كەلدى.