30 ماۋسىم تاڭعى التىدا نۇر-سۇلتاندا جۋرناليست، بەلسەندى ءمادي ماناتبەكتىڭ ءۇيىنىڭ تەرەزەسىن بەلگىسىز ادامدار سىندىرىپ كەتكەن دەپ جازادى Qamshy.kz اقپارات اگەنتتىگى. بۇل تۋرالى ءجۋرناليستىڭ ءوزى Facebook پاراقشاسىندا جازدى.

ماناتبەكتىڭ جازۋىنشا، بۇل - ءوزىن قورقىتۋ ءۇشىن جاسالىپ جاتقان قوقان-لوققى. رۇقسات ەتىلگەن بەيبىت ميتينگكە بارعىزباۋ ءۇشىن جاسالىپ جاتقان ەسكەرتۋ. 

"تاڭعى التىدا پاتەرىمنىڭ تەرەزەسىن سىندىرىپ كەتتى. ميتينگتىڭ الدىندا قورقىتقان نە قوزدىرعان تۇرلەرى. بۇنداي كەزدە كامەرانىڭ ىستەمەي قالاتىنىن، تاس لاقتىرعانداردىڭ تابىلمايتىنىن بىلەمىز. ەسكەرتۋ، قورقىتۋ جانە ونىڭ امالدارى دەگەن ساباقتىڭ ءتۇرى وسىلاي. ادامنىڭ جاندى جەرى وتباسى، ونداعى تىنىشتىق، ول بۇزىلسا ءبارىنىڭ دە شىرقى كەتەتىنىن بىلەدى بۇ بيلىك. تاعى نە بولارىن الدا كورە جاتارمىز. بۇيىرسا، "جازدىم، جاڭىلدىم، ەلدە ءبارى كەرەمەت"،- دەگەن سىڭايدا ۆيدەوۇندەۋ جازىپ قالۋىمىز دا مۇمكىن. ول كەزدە ەش سوزىمە سەنبەڭىزدەر"، - دەپ جازدى ءمادي ماناتبەك. 

بيلىك بەلسەندىلەرگە 30 ماۋسىمدا نۇر-سۇلتان جانە الماتى قالالارىندا بەيبىت ميتينگ وتكىزۋگە رۇقسات بەرگەن.