ق ر ۇلتتىق بانكى الەۋمەتتىك جەلىلەردە تاراعان «التىن» ۆاليۋتاسى جونىندە تۇسىنىكتەمە بەردى دەپ حابارلايدى Qamshy.kz اقپارات اگەنتتىگى قازاقپاراتقا سىلتەمە جاساپ.
«الەۋمەتتىك جەلىلەر مەن مەسسەندجەرلەردە تەڭگەنىڭ قۇنسىزدانۋى مەن قازاقستاننىڭ جاڭا ۆاليۋتا - التىنعا اۋىساتىنى تۋرالى اقپارات تارالىپ جاتىر. اۋديوحابارلاماداعى بەلگىسىز داۋىس كەزەكتى رەت قازاقستاندىقتاردى دوللار ساتىپ الۋعا ۇگىتتەيدى جانە قارىزعا اۆتوكولىك، پاتەر الۋعا كەڭەس بەرەدى. ۇلتتىق بانك بۇل اقپاراتتىڭ جالعان، ارانداتۋشىلىق پەن ەكونوميكالىق قاسكۇنەمدىككە شاقىراتىنىن مالىمدەيدى»، - دەپ حابارلادى ۇلتتىق بانكتىڭ باسپا ءسوز قىزمەتىنەن.
قاساقانا جالعان اقپاراتتى تاراتۋشىلاردى انىقتاۋ ماقساتىندا بانك قۇقىققورعاۋ ورگاندارىنا جۇگىنگەن.
«ۇلتتىق بانك اۋديوجازباداعى داۋىستى تانىعان ادامداردى بانكتىڭ تەلەفونىنا نەمەسە الەۋمەتتىك جەلىدەگى رەسمي پاراقشالارىنا حابارلاسۋدى سۇرايدى»، - دەدى قارجى ينستيتۋتىنان.
پىكىر قالدىرۋ