اتىراۋ وبلىسى اكىمى نۇرلان نوعايەۆ "تەڭىز" ۆاحتالىق قالاشىعىنا بارىپ، تشو باسشىلىعىمەن جينالىس وتكىزدى. سونىمەن قاتار، "Consolidated Contracting Engineering & Procurement S.A.L. Offshore (Cسەر)" كومپانياسىنىڭ جۇمىسشىلارىمەن كەزدەستى،-دەپ حابارلايدى اتىراۋ وبلىسى اكىمىنىڭ باسپا ءسوز قىزمەتى. 
كەزدەسۋگە 30-دان استام ادام جەڭىل دەنە جاراقاتىن العان تۇرمىستىق كيكىلجىڭ سەبەپ بولدى. وقيعانى تەكسەرۋمەن جانە كەن ورنىندا ەڭبەكتى ۇيىمداستىرۋ ماسەلەلەرىن زەرتتەۋمەن ۆەدومستۆوارالىق كوميسسيا اينالىسادى. كوميسسيا جۇمىسىن اتىراۋ وبلىسى اكىمىنىڭ ءبىرىنشى ورىنباسارى باسقارادى.
-بۇل پروبلەما ەڭبەك جاعدايلارىنىڭ ءار ءتۇرلى بولۋىنان تۋىنداپ وتىر، تشو مەن مەردىگەر مەكەمەلەردىڭ باسشىلىقتارى ماسەلەنى جۇيەلى تۇردە شەشۋلەرى كەرەك. ءبىز ءوز تاراپىمىزدان بارلىق قولداۋدى كورسەتەمىز. ينۆەستورلار تۇسىنۋلەرى ءتيىس- ءبىزدىڭ ەلىمىزدىڭ اۋماعىندا جۇمىس ىستەي وتىرىپ، زاڭنامانى جانە ەشكىمنىڭ ار-نامىسىنا تيمەيتىن، مورالدىق-ەتيكالىق نورمالاردى ساقتاۋلارى قاجەت. جاقىن ارادا جوبانىڭ بارلىق قاتىسۋشىلارىمەن كەزدەسۋ وتكىزەمىز، بارلىق كومپانيالاردىڭ ءبىرىنشى باسشىلارى شاقىرىلادى، وسى ماسەلەنى شەشەمىز. باستىسى، ەڭبەك جاعدايلارى بارىنە بىردەي بولۋى كەرەك،-دەپ اتاپ ءوتتى نۇرلان نوعايەۆ. 
"تەڭىزشيەۆرويل" ج ش س باس ديرەكتورى يمەر بوننەر ءوز كەزەگىندە كومپانيا جاعدايدى رەتتەۋگە جانە بولاشاقتا وسىنداي تۇرمىستىق كيكىلجىڭدەردىڭ الدىن الۋعا
بار كۇشىن سالاتىنىنا سەندىردى.
ء-بىز جەرگىلىكتى اتقارۋشى جانە قۇقىق قورعاۋ ورگاندارىنا جاعدايدى تەز رەتتەۋگە كومەكتەسكەندەرى ءۇشىن رازىمىز. سسەر كومپانياسىنا، باسقا دا مەردىگەر مەكەمەلەرگە قاتىستى جۇمىستاردى جۇرگىزەمىز،-دەدى يمەر بوننەر. 
جينالىستان كەيىن وبلىس اكىمى Consolidated Contracting Engineering & Procurement S.A.L. Offshore (Cسەر) كومپانياسىنىڭ جۇمىسشىلارىمەن كەزدەستى. كەزدەسۋ بارىسىندا كومپانيا قىزمەتكەرلەرى اكىمنەن جانە تشو باسشىلىعىنان جوبا جۇمىسىن توقتاتپاۋدى، ادامداردىڭ قىزمەتتىك مىندەتتەمەلەرىن ورىنداۋعا كىرىسە بەرۋلەرىن سۇرادى.
ء-بىز ۆەدومستۆوارالىق كوميسسيا قۇردىق، وعان وبلىس اكىمىنىڭ ءبىرىنشى ورىنباسارى جەتەكشىلىك ەتەدى. كوميسسيا بىردەي ەڭبەك جاعدايىن قامتاماسىز ەتۋ ماسەلەسىمەن اينالىسادى. سىزدەر كوميسسيا قۇرامىنا ءوز وكىلدەرىڭىزدى قوسا الاسىزدار، ارىپتەستەرىم تەلەفون نومىرلەرىن قالدىرادى، جاعدايدى جاقسارتۋ بويىنشا ۇسىنىستارىڭىزدى بەرىڭىزدەر. سىزدەردىڭ جۇمىس كەستەلەرىڭىزدە ەشقانداي وزگەرىس بولمايدى، جۇمىس قالىپتى رەجيمدە جالعاسادى،-دەدى نۇرلان نوعايەۆ.
پىكىر قالدىرۋ