Qamshy.kz اقپارات اگەنتتىگىنىڭ ءجۋرناليسى اسەل بولات قىزى 27 ماۋسىمدا «قازاق مەكتەپتەرىن كوبەيتىپ، جاقسى جاعداي جاساۋعا قاۋقارىمىز جەتپەي مە؟» اتتى تاقىرىپپەن ماقالا جاريالادى. بۇل ماقالادا قوستاناي قالاسىندا قازاق مەكتەپتەرىنىڭ  سانى از ەكەنى جازىلعان. سونداي-اق بۇل ماقالانى «caravan.kz» جانە «365info.kz» سايتتارى ورىس تىلىنە اۋدارىپ، "قوستاناي قالاسىندا جالعىز قازاق مەكتەبى جابىلماق" دەگەن ماعىناداعى تاقىرىپپەن جاريالاپتى. ماقالا قوعام اراسىندا شۋ تۋدىرىپ، پرەزيدەنت قاسىم-جومارت كەمەل ۇلى ءبىلىم ءمينيسترى مەن وبلىس اكىمىنە قوستانايداعى قازاق مەكتەپتەرىنە قاتىستى ماسەلەنى شەشۋدى تاپسىردى. قوستاناي قالاسىنىڭ اكىمدىگى وسى ماسەلە بويىنشا بريفينگ وتكىزىپ، ماقالادا ايتىلعان دەرەكتىڭ ناقتى ەمەستىگىن حابارلادى.

ماقالادا قوستاناي قالاسىنداعى مەكتەپ سانى جونىندەگى ستاتيستيكالىق مالىمەتتەن جانە كەيىپكەر ايتقان مەكتەپتىڭ اتاۋىنان قاتەلىك كەتكەن. ناقتىلايتىن بولساق، كەيىپكەر №24  سىرباي ماۋلەنوۆ اتىنداعى مەكتەپ ەمەس، باستاۋىش سىنىپتارىنا ارنالعان №24 ا مەكتەبى جونىندە ايتقان.

Qamshy.kz اقپارات اگەنتتىگى قوستاناي وبلىسىنداعى ءبىلىم باسقارماسىنا حابارلاسىپ، وبلىس بويىنشا قانشا مەكتەپ بارىن انىقتادى.

رەسمي مالىمەتكە سايكەس، قوستاناي وبلىسىندا جالپى سانى 504 مەكتەپ بار. قازاق مەكتەبىنىڭ سانى – 120، ورىس مەكتەبىنىڭ سانى – 263 جانە ارالاس مەكتەپتىڭ سانى – 121. ال قالا بويىنشا 6 قازاق مەكتەپ، 17 ورىس مەكتەپ جانە 10 ارالاس مەكتەپ بار.

اتالمىش ماتەريالعا تۇزەتۋلەر ەنگىزىلدى.

Qamshy.kz اقپارات اگەنتتىگىنىڭ بۇل ماقالانى جازۋداعى ماقساتى – شۋ تۋدىرۋ ەمەس. شىن مانىسىندە، Qamshy.kz سايتى ەلىمىزدىڭ سولتۇستىك وڭىرىندەگى ءقازاقتىلدى مەكتەپتەردىڭ جاعدايى جاقسى ەمەس ەكەنىنەن وقىرماندى قۇلاعدار ەتكىسى كەلدى. الايدا اتالعان ماسەلە الەۋمەتتىك جەلى جانە سايت ارقىلى تارالعان كەزدە وعان ارتىق ەموسيا قوسىلىپ، تۇسىنىسپەۋشىلىكتەر ورىن العان.

Qamshy.kz اقپارات اگەنتتىگى قوستاناي قالاسىنىڭ اكىمدىگىنە وسى ماسەلەگە جەدەل نازار اۋدارعانى ءۇشىن ءوز ريزاشىلىعىن بىلدىرەدى.