شىلدەنىڭ 16-30 ارالىعىندا اقتاۋداعى «بالداۋرەن» بالالار لاگەرىندە ارىس قالاسىنىڭ 50 بالاسىنا، «الاۋ» لاگەرىندە 100 بالاعا جازعى دەمالىس ۇيىمداستىرۋ جوسپارلانۋدا.

وبلىستىڭ مەملەكەتتىك قىزمەتشىلەرى،  دارىگەرلەرى مەن مۇعالىمدەرى، مۇنايشىلار مەن ءىرى كاسىپورىندارى جارىلىس سالدارىنان زارداپ شەككەن تۇرعىندارعا كومەك رەتىندە ءبىر كۇندىك جالاقىسىن اۋداردى.

ارىس جۇرتشىلىعىنا قولداۋ كورسەتۋ ماقساتىندا «نۇر وتان» پارتياسىنىڭ وبلىستىق، اۋداندىق فيليالدارىندا، سونىمەن قاتار «جاستار» رەسۋرستىق ورتالىقتارىندا، قازاقستان حالقى اسسامبلەياسى جانىنداعى «قوعامدىق كەلىسىم» جانە «ءبىز ءادامبىز-بىز بىرگەمىز» قايىرىمدىلىق قورى بازاسىندا ارنايى گۋمانيتارلىق كومەك جيناۋ پۋنكتتەرى اشىلىپ، 8 توننا كيىم، 6 توننا ازىق-تۇلىك جينالىپ، العاشقى گۋمانيتارلىق جۇك 27 ماۋسىم كۇنى تەمىر جول ارقىلى جونەلتىلگەن. ونىڭ ىشىندە ازىق-تۇلىك، كيىم-كەشەك، دارى-دارمەك، جەكە گيگيەنا قۇرالدارى جانە ءبىرىنشى كەزەكتە قاجەتتى زاتتار قامتىلعان. بۇل شارالار ءالى دە جالعاسىن تابۋدا.