Chevron كومپانياسىنىڭ پرەزيدەنتى ق ر ەڭبەك جانە حالىقتى الەۋمەتتىك قورعاۋ ءمينيسترى بەردىبەك ساپاربايەۆقا باسشىلىق قۇرامداعى قازاقستاندىق مامانداردىڭ سانىن كوبەيتۋگە ءسوز بەردى دەپ جازادى Qamshy.kz اقپارات اگەنتتىگى.
"3-شىلدە كۇنى ق ر ەڭبەك جانە حالىقتى الەۋمەتتىك قورعاۋ ءمينيسترى بەردىبەك ساپاربايەۆ ەۋروپا، ەۋرازيا جانە تاياۋ شىعىستاعى مۇناي بارلاۋ كومپانياسى Chevron باسشىسى تودد ليەۆيمەن كەزدەسىپ، حالىقتىڭ الەۋمەتتىك احۋالى جانە قاۋىپسىزدىگى جونىندەگى ءبىرقاتار سۇراقتاردى تالقىلادى. تەڭىز ماڭىنداعى حالىقتىڭ احۋالىن جاقسارتىپ، باسشىلىق قۇرامعا قازاقستاندىق ازاماتتار تارتىلادى دەپ سەندىردى تودد ليەۆي"، - دەلىنگەن ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ باسپا ءسوز قىزمەتى جاريالاعان مالىمدەمەدە.
مينيستر تەڭىز مۇناي ءوندىرۋ وشاعىنداعى بارلىق جاعداي قاتاڭ قاداعالاناتىنى تۋرالى ايتىپ ءوتتى.
"ەڭ ماڭىزدىسى – ق ر زاڭدارىنىڭ تابانعا تاپتالماۋى. قازاقستاندىق جانە شەتەلدىك جۇمىسشىلار اراسىنداعى جالاقى جانە جالپى جاعداي بويىنشا ءبولىپ-جارۋدىڭ بولماۋى"، - دەدى ساپاربايەۆ.
ليەۆي ءوز كەزەگىندە بىرگە ەڭبەك ەتەتىن ارىپتەستەر اراسىنداعى قارىم-قاتىناستى رەتتەۋ ماقساتىندا تاربيە جۇمىستارى جۇرگىزىلەتىنىن ايتتى.
پىكىر قالدىرۋ