الماتى قالاسى اكىمىنىڭ وكىمىمەن ق ر پرەزيدەنتى اكىمشىلىگىنىڭ كەلىسىمى بويىنشا ەرجان باباقۇماروۆ قالا اكىمىنىڭ ورىنباسارى بولىپ تاعايىندالدى دەپ حابارلايدى Qamshy.kz اقپارات اگەنتتىگى قالا اكىمدىگىنىڭ باسپا ءسوز قىزمەتىنە سىلتەمە جاساپ.
باباقۇماروۆ ەرجان جالباق ۇلى 1969 جىلى 2 ناۋرىزدا تالدىقورعان وبلىسىندا دۇنيەگە كەلگەن. ساياسي عىلىمدارىنىڭ كانديداتى. ول 1996 جىلدان باستاپ مەملەكەتتىك قىزمەتتە. ءپا ىشكى ساياسات ءبولىمى مەڭگەرۋشىسىنىڭ ورىنباسارى بولدى.
ق ر پرەزيدەنتى اكىمشىلىگىنىڭ اقپاراتتىق-تالداۋ ورتالىعىنىڭ مەڭگەرۋشىسى. ق ر پرەمەر-مينيسترى كەڭسەسى باسشىسىنىڭ ورىنباسارى، ق ر پرەزيدەنتى جانىنداعى وكق ديرەكتورى. جاۋاپتى حاتشى جانە مادەنيەت جانە اقپارات ۆيسە-مينيسترى قىزمەتتەرىن اتقاردى. سوڭعى جۇمىس ورنى قازاقستان رەسپۋبليكاسى پرەزيدەنتىنىڭ كەڭەسشىسى - قازاقستان رەسپۋبليكاسى پرەزيدەنتى اكىمشىلىگىنىڭ تالداۋ جانە بولجاۋ ورتالىعىنىڭ مەڭگەرۋشىسى قىزمەتتەرىن اتقارعان.
پىكىر قالدىرۋ