بەلگىلى تەلەجۋرناليست جيەنالى مەيىرجان الىبەك ۇلى "قازاقستان" رترك" اق جامبىل وبلىستىق فيليالىنىڭ ديرەكتورى قىزمەتىنە تاعايىندالدى دەپ حابارلايدى Qamshy.kz اقپارات اگەنتتىگى.
"جامبىل" ارناسى ۇجىمىنا جاڭا باسشىنى تانىستىردىق. باسقارما باسشىسى ءلاززات مۇرات قىزىنىڭ شەشىمىمەن بۇل جاۋاپتى قىزمەتكە مەديا سالاسىندا 10 جىلدان استام تاجىريبەسى بار، ەلدىڭ سۇيىكتى ۇلدارىنىڭ ءبىرى مەيىرجان الىبەك @meirzhan_alibekuly لايىق دەپ تانىلدى. قىزمەتىن وڭىرلىك ارنادان باستاعان اقپارات تارلانىنىڭ ەسىمى ۇلتتىق ارنامەن بىتە قايناسىپ كەتكەنى بەلگىلى. ەندى وسى ارنانىڭ تارازداعى بولىمىنە جەتەكشىلىك ەتپەك. باتىس توپىراعىندا تۋىپ، الاتاۋ باۋرايىندا شىڭدالعان، ەلوردادان «اپتا» سايىن حابار تاراتقان ازۋلى ارىپتەسىمە ساتتىلىك تىلەيمىن. بۇگىنگە دەيىن جيعان-تەرگەن تاجىريبەسىن ءبۇتىن ءبىر ارنانىڭ دامۋىنا جۇمسايدى دەپ سەنەمىن!"، - دەپ جازدى «قازاقستان رترك» اق باسقارما ءتوراعاسىنىڭ ءبىرىنشى ورىنباسارى قۇرمانبەك جۇماعالي ءوزىنىڭ فەيسبۋك پاراقشاسىندا.
پوسموترەت ەتۋ پۋبليكاسيۋ ۆ Instagram
پىكىر قالدىرۋ