التاي كولگىنوۆتىڭ كوممۋنالدىق شارۋاشىلىق جونىندەگى جاڭا ورىنباسارى تاعايىندالدى دەپ حابارلايدى Qamshy.kz اقپارات اگەنتتىگى.
ەلوردا اكىمدىگىنىڭ اپپاراتتىق كەڭەسىندە اكىم التاي كولگىنوۆ كادرلىق ءاۋىس-تۇيىس تۋرالى ايتتى. باسقا جۇمىسقا اۋىسۋىنا بايلانىستى قالا اكىمىنىڭ ورىنباسارى ارمان تۇرلىبەك قىزمەتىنەن بوساتىلدى، دەپ حابارلايدى استانا اكىمدىگىنىڭ رەسمي سايتى.
نۇر-سۇلتان باسشىسىنىڭ وكىمىمەن قايساعالييەۆ التىنبەك كەڭەس ۇلى قالا اكىمىنىڭ ورىنباسارى بولىپ تاعايىندالدى. ول سالىنىپ بىتپەگەن تۇرعىن ۇيلەر ۇلەسكەرلەرىنىڭ پروبلەماسى، ەلوردانى اباتتاندىرۋ، كوگالداندىرۋ، سانيتارلىق تازالاۋ جانە قار كۇرەۋ ماسەلەلەرىمەن اينالىساتىن بولادى. سونداي-اق كوممۋنالدىق شارۋاشىلىق، اۆتوموبيل جولدارىنىڭ قۇرىلىسى مەن ينفراقۇرىلىمى جانە قورشاعان ورتانى قورعاۋ دا جاڭا ورىنباساردىڭ قاراۋىندا بولماق.
پىكىر قالدىرۋ